Takaitaccen tarihin kakan Aisha Buhari: Ministan tsaro ma farko a Najeriya

Aisha Buhari ta fito ne daga babban gida na 'yan Boko da suka rike manyan mukamai a gwamnatin Najeriya.

Muhammadu Ribadu, kakan Aisha Buhari, fitaccen dan siyasa ne a yankin arewa da ma Najeriya baki daya.

An nada Muhammadu Ribadu a matsayin ministan tsaro na farko na kasa bayan samun 'yancin kai. An nada shi a matsayin mamba a majalisar kasa a shekarar 1947 kafin daga bisani a sake zabensa a shekarar 1951.

Ya taba zama mamba a hukumar raya harkokin noma ta Najeriya kafin daga baya ya zama mamba a bangaren bayar da rance a hukumar cigaban yankin arewa.

An zabe shi a matsayin wakili a taron sake yi wa kundin tsarin mulki kwaskwarima a garin Ibadan a shekarar 1950.

DUBA WANNAN: Fansho da albashi: SERAP ta fitar da sunayen tsofin gwamnoni da ke cin 'tudu biyu' a asusun Najeriya

A shekarar 1952 ne aka nada shi a matsayin ministan albarkatun kasa. An zabe shi a mata mataimakin shugaban jam'iyyar NPC, mukamin da yasa ake saka shi a cikin jerin manyan shugabannin da suka fito daga arewa irinsu Ahmadu Bello da Tafawa Balewa.

Ya rike mukamin ministan kasa, ma'adanai da lantarki a shekarar 1954, ya zama ministan kasa da harkokin Lagos a shekarar 1959.

An haife shi a shekarar 1910, ya mutu a shekarar 1965, watau yana da shekara 55 a duniya.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng