Jerin manyan kasashen Turai da Coronavirus ta ratsa a Duniya

A halin yanzu cutar nan da ake gudu watau Coroavirus ta shiga kusan kowace Nahiya a Duniya. Nahiyar Antatika ce kurum ba a samu wanda ya kamu da cutar ba.

Yanzu haka wannan cuta ta shigo Najeriya, wannan na nufin Coronavirus ba ta bar Afrika a baya ba. Cutar ta fi kamari a Yankin Asiya, Amurka da kuma cikin Turai.

Mun tsakuro wasu kasashen Turai da wannan cuta ta shiga kamar yadda wtaa jarida ta bayyana:

1. Italiya

A kasar Italiya, akalla mutum 14 sun mutu a yanzu. Sama da mutane 500 sun kamu da wannan cuta.

2. Jamus

A Jamus, mutane 26 ake tunanin su na dauke da wannan cuta. Daga ciki akwai baki daga kasashen waje.

3. Faransa

A kasar Farasa an rasa mutane 2 a sakamakon wannan cuta. A dalilin haka aka hana wasu shigowa kasar.

4. Sifen

Hukumomin Sifen sun ce gano mutane 17 masu dauke da cutar. 12 daga ciki sun kamu da cutar ne a Italiya.

5. Ingila

A Birtaniya, akwai akalla mutum 12 da ke dauke da wanan cuta a yanzu. Wasu su dauko cutar ne daga Italiya.

6. Switzerland

A farkon makon nan aka tabbatar da cewa an samu wanda ya kamu da wannan cuta a kasar Switzerland.

KU KARANTA: Abubuwan da ya kamata ka sani game da cutar Coronavirus

7. Rasha

Mutanen Sin biyu ake zargin sun kamu da wannan cuta a Rasha. Kasar ta maida Bakin da aka samu da cutar.

8. Austriya

Wani Dattijo mai shekaru 72 ya kamu da cutar Coronavirus a wannan kasa. Kafinsa an samu wasu masu cutar.

9. Kuroshia

Akalla mutane uku, har da wani Matashi da ya zauna a kasar Italiya, ake zargin sun kamu da wannan cuta.

10. Girka

Hukumomi sun bada tabbacin cewa akwai Bayin Allah akalla uku da su ka kamu da wannan cuta a kasar Girka.

Sauran kasashen da ake fama da wannan cuta sun hada da:

11. Finland

12. Siwidin

13. Denmark

14. Beljika

15. Jojiya

16. Masadoniya

17. Norway da kuma kasar

18. Romaniya

Idan ku na da wata shawara ko bukatar bamu labari, tuntube mu a: labaranhausa@corp.legit.ng

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewa tare da mu.

Asali: Legit.ng