Labarai

'Yan Najeriya sun fi son daukar hoto dani fiye da tambayar kudi a wurina - Dangote

Talata, Janairu 21, 2020 at 5:49 Safiya daga Mudathir Ishaq 2 - tsawon mintuna

- Aliko Dangote, hamshakin mai kudin Afirka ya ce in ya ci karo da 'yan Najeriya basu tambayar shi kudi sai dai hoton selfie

- Ya bayyana cewa ya kan tuka kan shi don ganin gari a duk kwanakin karshen mako a birnin Legas dake kudancin kasar nan

- Dangote ne mafi arziki na 95 a duniya kamar yadda Bloomberg Billionaires Index na 2019 ya bayyana

Aliko Dangote, hamshakin mai kudin Afirka ya ce in ya hadu da 'yan Najeriya, bukatarsu hoto kawai da shi a maimakon su tambaye shi kudi.

Dangote ya sanar da hakan ne a hirar da aka yi dashi a kan rayuwar shi, dukiyar shi da kuma shirin shi a nan gaba wacce David Rubeinstein a wani shirin gidan talabijin da shi David Rubeinstein ke yiwa mutane tambayoyi. Ya ce ya kan tuka kan shi ya zagaye birnin Legas da kan shi a ranakun karshen mako.

Kamar yadda jerin sunayen manyan masu kudin duniya na Bloomberg Billionaires Index ya nuna, Dangote ne mutum na 95 mafi kudi a duniya. Ya ce 'yan Najeriya kan bukaci su yi hoton selfie ne a maimakon tambayar shi kudi.

"Mutane ba su tambayata kudi idan na fito yawon shakatawata cikin ranakun mako amma su kan bukaci mu yi hoton selfie," in ji shi.

KU KARANTA: Tsautsayi ba a sa maka rana: Zakara ya kashe wani mutumi

A wannan tattaunawar ne ya bayyana cewa ana cigaba da gina matatar man fetur din shi wacce za ta kasance mafi girma a duniya kuma za ta dinga sarrafa ganga 650,000 na danyen mai a kullum. Za a kaddamar da matatar ne a watan Janairu na 2020.

Dangote dai shi ne shugaban kamfanonin Dangote Group wadanda suke kasuwancin man fetur, siminti da sauransu a Najeriya da wasu kasashen Afirka.

Yana da arzikin da ya kai dala biliyan 15 a duniya.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Manyan Labarai A Yau