Hotuna: Tayi shigar kamala a Saudiyya, amma ta fidda tsiraicinta a Dubai - Mutane sun kalubalanci Sadiya Kabala

- Jaruma Sadiya kabala a wannan shekarar ta ziyarci Saudiyya don yin umara kamar yadda ta saba

- Bayan Umararta ne ta zarce Dubai inda ta dinga shigar tsiraici kamar turawan yamma masu jajayen kunnuwa

- Ta wallafa hotunanta masu ban sha’awa cikin shigar kamala a Saudiyyan amma daga baya sai na tsiraici da tayi a Dubai suka bayyana

Jaruma Sadiya Kabala a wannan shekarar ta samu zuwa Umara kasa mai tsarki kamar yadda ta saba. Wannan ba karonta na farko bane da taje kasa mai tsarkin. Bayan kammala Umararta, bata yi kasa a guiwa ba ta zarce Dubai inda jama’a suka yi mamakin ganin yadda ta dinga shigar kamala a kasar Saudiyya, amma a Dubai ta dinga shigar Turawan yamma.

Wannan shigar kuwa ta jawo cece-kuce daga ma’abota amfani da kafafen sada zumuntar zamani don kuwa sun dinga sukar shigar turawan da ta dinga yi.

Amma wasu kuwa cewa suka yi jarumar na biyayya ne kawai ga wannan karin maganar da tace komai da mazauninshi, wai an sanyawa kuturu ankwa a hannunshi, ta sabule.

KU KARANTA: An kama fasto a Abuja da yake sayar da man shafawa naira miliyan daya kwalba daya

Masoyan jarumar da mabiyanta a kafafen sada zumuntar zamani sun ta tofa albarkacin bakinsu a kan shigar tsiraricin da tayi. Sun yi ta cewa tafi kyau a shigar kamalar da tayi a Saudiya.

Sai dai kuma jarumar ta rufe bangaren tsokaci a daya daga cikin hotunanta, hakazalika bata tankawa kowa ba a kan wannan lamarin.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng