Yan majalisa za su yi ma dokar N-Power garambawul domin ta kunshi matasan NYSC
Majalisun dokokin Najeriya zasu fara gudanar da gyaran fuska ga dokokin da suka samar da tsarin bada tallafi na gwamnatin tarayya ta hanyar daukan matasa aiki na N-Power ta yadda za ta kunshi har da matasa yan bautan kasa.
Jaridar Daily Trust ta ruwaito shugaban kwamitin majalisar wakilai dake kula da matasa da wasanni, Adeyemi Adaramodu ne ya bayyana haka yayin da kai ziyara zuwa sansanin yan bautan kasa dake Wanune, cikin karamar hukumar Tarka na jahar Benuwe.
KU KARANTA: Yan bindiga sun bindige basaraken gargajiya a jahar Katsina
Dan majalisa Adeyemi ya shaida ma yan bautan kasa cewa majalisa za ta gudanar da gyaran fuska ga dokokin da suka samar da N-Power ta yadda yan bautan kasa ma zasu fara amfana da shi, haka zalika ya yi kira matasan su rungumi tsarin koyar da sana’ar hannu na SAED.
Haka zalika dan majalisan ya yi kira ga hukumomin gwamnati da kamfanoni da cewa kada su kuskura su ki karbar yan bautan kasa idan har aka turasu yi ma kasa hidima a wadannan wurare. Sa’annan ya roki gwamnatin jahar Benuwe ta fara biyan yan bautan kasa dan wani abu a duk wata domin karfafa musu gwiwa.
A nasa jawabi, shugaban NYSC reshen jahat Benuwe, Shichi Joshua Simon ya bayyana ma kwamitin majalisar cewa suna bin tsarin bayar da horo ga yan bautan kasa sau da kafa a sansaninsu, inda yace hakan zai kara hadin kai tsakanin matasan.
Daga karshe Mista Shichi ya bayyana gamsuwarsa da yadda matasan suka gudanar da kansu a sansanin, inda yace tun shigarsu sansanin sun nuna ladabi da biyayya tare da nuna kwazo a duk ayyukan da ake yi a sansanin.
A wani labari kuma, babban hafsan sojan kasa, laftanar janar Tukur Yusuf Buratai ya gudanar da gyara a tsohuwar makarantar firamarin da ya yi, LEA Unguwar Sarki Kaduna, sa’annan ya baiwa makarantar kyautan littafan karatu guda 1,000.
Ku biyo mu a https://facebook.com/legitnghausa
ko a http://twitter.com/legitnghausa
KU LATSA: Hanyar sauko da sabuwar manhajar jaridar Legit.com Hausa cikin sauki
Ga masu shawara ko korafi, a same mu a labaranhausa@corp.legit.com
Sanarwa na musamman: Shafin NAIJ Hausa ya koma Legit Hausa
Asali: Legit.ng
