Jamila Nagudu ce tafi cancanta a bawa gwarzuwar shekara ba Fati Washa ba - In ji Kamaye na Dadin Kowa

Talata, Nuwamba 12, 2019 at 4:04 Yamma daga Mudathir Ishaq 2 - tsawon mintuna

Fitaccen marubuci kuma jarumin fina-finan Hausa Dan'azumi Baba Cediyar 'Yan Gurasa wanda aka fi sani da kamaye ya bayyana cewa jaruma Jamila Nagudu ce tafi cancanta ta zama gwarzuwar shekara a masana'antar Kannywood ba Fati Washa ba

A wani labari da muka samu a tashar Tsakar Gida ta shafin YouTube ta bayyana cewa fitaccen marubuci kuma jarumin fina-finan Hausa Dan'azumi Baba Cediyar 'Yan Gurasa wanda aka fi sani da kamaye ya bayyana cewa jaruma Jamila Nagudu ce tafi cancanta ta zama gwarzuwar shekara a masana'antar Kannywood ba Fati Washa ba.

Kamaye ya wallafa a shafinsa na Facebook cewa a matsayinsa na marubuci, mai shirya fina-finai kuma jarumi, tabbas Jamila Nagudu ce ta cancanci zama gwarzuwar Kannywood.

KU KARANTA: Hukunci ko azaba: Wani ya kulle kanwarsa a daki na tsawon shekara biyu a jihar Kaduna

Inda yayi rubutu kamar haka: "To gaskiya ba zan iya cewa komai a game da rashin samun gwarzuwar Jaruma ga Jamila Nagudu ba, amma dai tabbas! Na san Jamila Nagudu ta iya duk abin da ake so a harkar fim. In dai Hausa fim ne ta kere sa'a. To amma watakila a gurin masu zaben ne su ke ganin bata cancanta ba. Amma ni dai a matsayina na marubuci, mai shirya fina-finai, mai bada umarni kuma jarumi, wallahi tuni Jamila Nagudu ta gama cancanta da ta samu gwarzuwar jaruma. Domin babu gurin da za a sakata a cikin fim din Hausa ba ta yi abin da ya cancanta ba.

"Don haka babu karya, Jamila Nagudu wallahi ta iya, kuma ta cancanta da duk wata karramawa da za a baiwa kowacce irin jaruma."

Wannan batu na jarumin dai ya biyo bayan fitacciyar jarumar nan Fatima Abdullahi wacce aka fi sani da Fati Washa ta lashe kyautar gwarzuwar jaruman fina-finan Hausa a wani bikin fina-finan Afirka da aka yi a kasar Birtaniya makon da ya gabata.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Dandalin Kannywood Fittaciyar Jarumar Kannywood Jarumar Fim