Labarai

Manchester City ta fi kowace kungiya tara 'yan kwallo mafiya tsada a duniya

Talata, Satumba 10, 2019 at 3:43 Yamma daga Mudathir Ishaq 2 - tsawon mintuna

Kungiyar Manchester City wadda ta lashe gasar Premier League ta Ingila a bara, ta kasance a kan sahu na gaba cikin jerin kungiyoyin kwallon kafa da suka tara 'yan kwallo mafiya tsada a duniya a yanzu.

Manchester City ta kasance mai rike da kambun kungiyar kwallon kafa mai tarin manyan 'yan kwallon kafa wanda gamayyar kudinsu ta dara ta kowace kungiya tsada a doron kasa. Kungiyar dai ta kashe kimanin Fan Miliyan 906 wajen cefanen manyan wasa.

Babu shakka kungiyar ta yi wa sauran manyan kungiyoyin kwallon kafa sa'anninta fintikau irin su PSG, wadda ta sayi babban dan wasan nan daga kungiyar Barcelona, Neymar a kan makudan kudi da kuma kungiyar Real Madrid wadda ta baje arzikin ta wajen cefanen dan wasa Eden Hazard daga kungiyar kwallon kafa ta Chelsea.

Manchester City dai ta fidda makudan kudade wajen cefanen manyan 'yan wasa irin su, Kevin De Bruyne, Kyle Walker, Riyad Mahrez, John Stones, Aymeric Laporte, Joao Cancelo, Raheem Sterling da makamantansu.

KARANTA KUMA: Ramaphosa ya yi Allah wadai kan hare-haren da ake yiwa baki a Afirka ta Kudu

A rahoton da shafin UK Mirror mai lura da sha'anin kwallon kafa ya gabatar, ya fidda jerin kungiyoyin kwallo kafa 20 da suka hadar da manyan kungiyoyi na kasashen Turai daban-daban wadanda suka fi kowanne tara 'yan kwallo mafi tsada a duniya.

An samu kungiyoyin kwallon kafa guda biyar da ke buga gasar Firemiyar Ingila da suka shiga cikin sahun goman farko ta fuskar tara 'yan kwallon kafa mafi tsada.

Ga dai yadda jeranton ya kasance:

1. Manchester City - £909m

2. Paris Saint-Germain - £819m

3. Real Madrid - £809m

4. Manchester United - £673m

5. Juventus - £645m

6. Barcelona - £625m

7. Liverpool - £573m

8. Chelsea - £503m

9. Atletico Madrid - £494m

10. Arsenal - £447m

11. Everton - £436m

12. Tottenham - £417m

13. AC Milan - £366m

14. Inter Milan - £326m

15. Bayern Munich - £316m

16. Monaco - £312m

17. Napoli - £292m

18. Borussia Dortmund - £288m

19. Leicester City - £280m

20. Valencia - £239m

Sanarwa: Mun gode da kasancewarku tare damu yayin da shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar ba mu labari, tuntube mu a: labaranhausa@corp.legit.com

Ku biyo mu a shafukan mu na dandalin sada zumunta:

https://facebook.com/legitnghausa

https://twitter.com/legitnghausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Real Madrid Labaran Duniya Dan Wasan Kwallon Kafa