Sallah Babba: Kasuwar raguna ta yi kasa a jihar Kebbi

Sallah Babba: Kasuwar raguna ta yi kasa a jihar Kebbi

A dai-dai lokacin da ya rage kasa da kwanaki bakwai a gudanar da bukukuwan babbar sallah, a jihar Kebbi da ke Arewa maso Yammacin Najeriya, raguna na nan jibge a kasuwanni masu saya sun yi karanci.

A wannan shekarar, da dama daga cikin masu sayen ragunan layya da wuri-wuri kamar yadda aka saba a baya, ba su halarci kasuwanni ba har ya zuwa yanzu.

Masu sayar da dabbobi a jihar Kebbi sun koka da yadda kasuwarsu ta yi kasa a bana sabanin yadda ta kasance a bara. Sai dai sun alakanta rashin samun ciniki da rashin kudade a hannun mutane.

Shugaban kungiyar masu sayar da raguna a Birnin Kebbi, Alhaji Ibrahim Mairago, ya ce rashin wadatattun kudade a hannun mutane ya sanya kasuwar raguna ta yi kasa duk da 'yan kasuwa sun jibge dabbobinsu ga mabuka masu saye.

Wasu daga cikin masu niyyar sayen raguna a bana, sun bayyana fahimtarsu kan yadda kasuwar dabbobin ke kasancewa a bana. Da yawa sun koka da yadda ragunan layya suka yi tsada a bana wadda ta kere ta bara.

KARANTA KUMA: Afuwa: Gwamnan Zamfara ya sallami fulanin daji 100 daga dauri

A yayin da masu niyyar sayen ragunan layya ke koka wa da tsadar a bana, Alhaji Mairago ya ce akwai yiwuwar farashin dabbobi zai yi tashin doron zabuwa a yayin da gwamnatin jihar Kebbi ke gab da biyan ma'aikata albashin su na wata.

Sanarwa: Mun gode da kasancewarku tare damu yayin da shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar ba mu labari, tuntube mu a: labaranhausa@corp.legit.com

Ku biyo mu a shafukan mu na dandalin sada zumunta:

https://facebook.com/legitnghausa

https://twitter.com/legitnghausa

Source: Legit.ng

Mailfire view pixel