Labarai

Ci gaba: Yan N-Power 500 sun ajiye aiki a jihar Zamfara

Talata, Yuli 30, 2019 at 8:00 Yamma daga Mudathir Ishaq 2 - tsawon mintuna

Rahotanni sun kawo cewa akalla mutane 500 da suka amfana da shirin N-Power ne ajiye aikin a Jihar Zamfara bayan sun samu aikin yi na dindindin.

Shugaban Hukumar SIP na Jihar Zamfara Kabiru Umar ne ya bayyana haka, a lokacin da ya ke tattaunawa da manema labarai a Gusau, babban birnin Jihar a ranar Talata, 30 ga watan Yuli.

Ya bayyana cewa wadanda suka ajiye ayyukan na su sun samu aiki ne a karkashin gwamnatin tarayya da kuma gwamnatin jiha da wasu hukumomi daban-daban.

Umar ya kara da cewa dauki yan N-Power har 11,122 tsakanin 2016 zuwa 2017 a jihar Zamfara. An dauke su ne a bangarorin ayyuakan lafiya da noma.

Shugaban na SIP ya kara da bayyana cewa wasu ma’aikatan sa-kai su 321 ma an dauke su a karkashin N-Power, inda suka yi ayyukan na’urorin kwamfuta da sauran fasahohin da suka danganci zamani.

Sai dai kuma ya yi tsokacin cewa saboda rashin wadatattun motoci, akwai matsala sosai wajen yadda za a iya bi gari-gari ana yin duba-garin ayyukan wadannan masu ayyukan sa-kai a karkashin N-Power din.

KU KARANTA KUMA: Yanzu Yanzu: Ahmad Lawan ya bayyana sunayen shugabannin kwamitocin majalisar dattawa da mataimakansu

“Mu na ci gaba da samun korafe-korafe daga wasu shugabannin makarantun firamare da na sakandare cewa wasu ma’aikatan na N-Power su na fashin zuwa makarantu koyarwa. To amma babu yadda za mu yi, saboda mu na fama da karancin motocin zirga-zirgar da za mu iya zuwa duba-gari.”

Daga nan sai ya yi kira ga gwamnatin jihar Zamfara ta taimaka musu da motocin zirga-zirgar gudanar da ayyukan su, ciki har da zagayen duba-garin ma’aikatan su.

Idan kuna da wata shawara ko bukatar bamu labari, tuntube mu a: labaranhausa@corp.legit.ng

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewa tare da mu.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Zamfara Manyan Labarai A Yau N-Power