Siyasa

Wata sabuwa: Nade-naden mukaman Gbajabiamila ya kawo sabon baraka a APC

Laraba, Yuli 17, 2019 at 4:45 Yamma daga Mudathir Ishaq 2 - tsawon mintuna

Zabar tsohon kakakin majalisar dokokin jihar Anambra, Anayo Nnebe da kakakin majalisar wakilai, Femi Gbajabiamila yayi a matsayin mai bashi shawara na musamman kan harkokin siyasa na barazana ga hadin kan jam’iyyarsa a yankin kudu maso gabas.

Jam’iyyar All Progressive Congress (APC) a jihar Anambra, sakatarorin labaran APC a kudu maso gabas, da kuma kungiyar matasan APC a kudu maso gabas duk sun yi watsi da zabin, sannan sun yi kira ga maye gurbin Mista Nnebe da wani.

Mista Gbajabiamila a ranar Talata ya sanar da tsohon dan majalisar mai wakiltan Awka ta arewa da kudu a majalisar dokokin jihar Anambra, Mista Nnebe, a matsayin daya daga cikin hadimansa daga yankin kudu maso gabas.

Amma a martani daban-daban da suka yi a ranar Laraba, jam’iyyar da sauran kungiyoyinta sun bayyana nadin a matsayin babban tozarci ga APC.

Sun bayyana cewa Nnebe na jam’iyyar All Progressives Grand Alliance (APGA) ya yaki APC sannan ya kira mambobinsu da sunaye kala-kala a lokacin zabe.

KU KARANTA KUMA: Matar da Sanata Abbo ya mammara ta ki gurfana a gaban kwamitin majalisar dattawa

Wadanda suka sanya hannu a jawabin daga sakatarorin APC a yankin kudu maso gabas sun hada da Kate Offor (Enugu ), Nwoba Chika Nwoba (Ebonyi) da kuma Benedict Godwin (Abia).

Pascal Otimkpu yayi Magana a madadin kungiyar matasan APC a yankin kudu maso gabas, sakataren jam’iyyar APC a jihar Anambram Chukwuma Agufugo yayi Magana a madadin jam’iyyarsa, yayinda Madukaife Okelo yayi Magana a madadin sakatarorin kudu maso gabas.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

APC Manyan Labarai A Yau Femi Gbajabiamila