Labarai

Babbar magana: Ina goyon bayan a bawa 'yan luwadi da madigo 'yancin yin auren jinsi - Amina Mohammed

Talata, Yuli 02, 2019 at 4:24 Safiya daga Mudathir Ishaq 2 - tsawon mintuna

- Ranar Asabar dinnan da ta gabata ne Mataimakiyar Babban Sakataren Majalisar dinkin duniya ta wallafa wani sako a shafinta na Twitter

- Amina Mohammed ta wallafa cewa tana goyon bayan samar da daidaito tsakanin 'yan luwadi da 'yan madigo a duniya

- Wannan magana da Amina tayi ta jawo kace-nace sosai a shafukan sada zumunta, inda mutane da yawa suke Allah wadai da wannan furuci nata

Jiya Litinin ne 1 ga watan Yuli, 2019 jaridar The Cable ta ruwaito cewa, tsohuwar ministar Buhari wacce ta zama Mataimakiyar Babban Sakataren Majalisar Dinkin Duniya, Amina Mohammed, ta wallafa wani rubutu a shafinta na Twitter ranar Asabar din da ta gabata, inda tayi kira da a baiwa 'yan luwadi da madigo damar yin auren jinsi.

Wannan abu da Amina ta wallafa, ya janyo cece-kuce a tsakanin 'yan Najeriya a shafukan sada zumunta, inda mutane da yawa suke Allah wadai da wannan abu da ta fada.

KU KARANTA: Babbar magana: Daga yin wasa da lamarin aure Zainab da Sunusi sun angwance a shafin Facebook

Inda wasu suke ganin cewa bata yiwa addininta, kasarta, al'ada, da yarenta adalci ba, indan har za ta yi kira akan a daidaita tsakanin 'yan luwadi da madigo, hakan yana nufin ta ajiye addini, al'ada da duk wata tarbiyya data taso da ita a kasar Hausa.

To sai dai wasu suna ganin hakan da tayi ba komai bane, tunda dama matsayin da aka bata a majalisar, matsayine da yake bukatar hakan, saboda haka dan tayi kira akan a samu daidaiton mu'amala tsakanin masu luwadi da madigo, ba abin mamaki bane.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Akwatin zabe Auren jinsi Labaran Duniya