Labarai

Daga zuwa biyan kudin fansa, yan bindiga sun yi garkuwa da hadimin gwamnan Katsina

Jummaʼa, Mayu 31, 2019 at 6:56 Yamma daga Mudathir Ishaq 2 - tsawon mintuna

Guda daga cikin tsofaffin hadiman gwamnan jahar Katsina, Aminu Bello Masari, Kwamared Bashir Usman Ruwan Godiya ya fada hannun masu garkuwa da mutane da sanyin safiyar Juma’a, 31 ga watan Mayu na shekarar 2019.

Majiyar Legit.ng ta ruwaito Ruwan Godiya, wanda Malami ne a kwalejin kimiyya da fasaha ta jahar Katsina, ya fada hannun yan bindigan ne a yayin da yaje wajensu domin biyan kudin fansan wani abokin aikinsu da yan bindigan suka yi garkuwa dashi a ranar Alhamis.

KU KARANTA: Yayan majalisar dokokin jahar Imo sun zabi sabon kaakakin majalisa

Daga zuwa biyan kudin fansa, yan bindiga sun yi garkuwa da hadimin gwamnan Katsina — Ruwan godiya
Asali: Facebook

Rahotanni suna bayyana cewa jim kadan bayan yan bindigan sun kama Ruwan godiya, sai suka tuntubi iyalansa inda suka nemi a biyasu karin kudin fansa kafin su sakoshi tare da abokin aikin nasa.

Idan za’a tuna wasu gungun yan bindiga sun yi garkuwa da malamin kwalejin kimiyya da fasaha ta Hassan Usman dake jahar Katsina, Dakta Bello Birchi, a gidansa dake kan titin zuwa garin Dutsanma a kauyen Tashar Bara’u cikin karamar hukumar Birchi, a daren Alhamis.

Shugaban kungiyar Malaman kwalejin kimiyya da fasaha, Dakta Sabi’u Yau Abdullahi ne ya tabbatar da sace abokin aikin nasu, inda yace lamarin ya jefa kafatanin malaman kwalejin cikin halin dimuwa, alhini da jimami.

Kimanin watanni biyu kenan yan bindiga sun tsananta kai hare hare a jahar Katsina, musamman a kananan hukumomin Kankara, Dutsanma da kuma Batsari, da kauyukan dake zagaye dasu.

Ku biyo mu a https://facebook.com/legitnghausa

ko a http://twitter.com/legitcomhausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu bukatar manhajar mu na Azumi a wannan wata mai albarka sai a bibiyi wannan shafi https://fb.gg/play/ramadan_ramadan

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Katsina Masu Garkuwa Da Mutane Gwamnan Jihar Katsina Aminu Bello Masari