Ronaldo ya ci kwallo ta 600 a fagen kungiyoyin kwallon kafa

Lahadi, Afirilu 28, 2019 at 2:44 Yamma daga Mudathir Ishaq 2 - tsawon mintuna

Yayin wani wasa da aka tashi kunnen doki tsakanin kungiyar kwallon kafa ta Inter Milan da Juventus a gasar Serie A ta kasar Italiya, fitaccen dan wasa Cristiano Ronaldo, ya zura kwallo ta 600 cikin koma a fagen kwallon kafa ta kungiya.

Wasan gasar kofin Serie A da aka tashi 1-1 a ranar Asabar, Ronaldo ya jefa wa kungiyar sa ta Juventus kwallo daya tilo da ta tsamo su daga shan kashi a hannun kungiyar kwallon kafa ta Inter Milan.

Ronaldo ya ci kwallo ta 600 a fagen kungiyoyin kwallon kafa
Asali: Instagram

Kamar dai yadda ya saba, Ronaldo ya fidda kungiyar sa kunya a minti na 62 bayan da dan wasan kungiyar Inter Milan Radja Nainggolan, ya yi masu shigar wuri tun a minti na 7 da sai mai tsaron raga na kungiyar Juventus, Woljciech Szczesny ya ji ana yi.

Yayin da Ronaldo mai shekaru 34 a duniya ya jefa wa kungiyar Juventus kwallaye 27 a bana, ya zura kwallaye 450 a tsohuwar kungiyar sa ta Real Madrid, 118 a Manchester United da kuma kwallaye biyar a kungiyar kwallon kafa ta Sporting Lisbon.

KARANTA KUMA: Cikin shekaru hudu an sace Shanu 74,000 a jihar Kaduna

Kwallon da Ronalda ya jefa a jiya Asabar, 27 ga watan Afrilun 2019, ta kasance kwallo ta 600 da ya zura cikin koma a kungiyoyin kwallon kafa 4 da ya yiwa hidima a tarihin rayuwar sa. Duniya ta dauka kuma yawu ya gudana kan harsunan al'umma domin kwarara yabo a kan Ronaldo.

Tun a makon da ya gabata kungiyar kwallon kafa ta Juventus ta lashe gasar kofin Serie A na bana yayin da ya rage sauran wasanni 4 a karkare gasar a wannan shekara. Kungiyar ta lashe gasar sau takwas kenan a jere ba bu wanda ya iya lakace ma ta hanci.

Sanarwa: Ku ci gaba da kasancewa tare da mu yayin da Shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa

Domin shawara ko bukatar bamu labari, tuntube mu a: labaranhausa@corp.legit.com

Ku biyo cikin shafukan mu na dandalan sada zumunta:

https://facebook.com/legitnghausa

https://twitter.com/legitnghausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Cristiano Ronaldo Labaran Duniya Dan Wasan Kwallon Kafa