Labarai

An tura tsohon shugaban kasar Sudan Omar Al-Bashir gidan kurkuku

Laraba, Afirilu 17, 2019 at 4:57 Yamma daga Mudathir Ishaq 2 - tsawon mintuna

- Wata majiya mai karfi ta bayyana cewa an tisa keyar tsohon shugaban kasar Sudan Omar Al-Bashir zuwa gidan yari

- Yanzu haka dai sojojin kasar sun tabbatar da cewa yana nan an killace shi a wani gidan yari dauke da matakan tsaro

An tura tsohon shugaban kasar Sudan, Omar Al-Bashir, gidan kurkukun Khartoum, bayan sojojin kasar sun hambarar da shi daga kujerar shi a makon da ya gabata, wata majiya mai karfi ta sanar da hakan a yau Larabar nan.

"An tura Omar Al-Bashir gidan kurkukun Kober da ke birnin Khartoum," wani mutumi ne ya bayyana haka, inda ya nemi a boye sunan shi saboda tsaro.

Sojojin kasar Sudan sun hambarar da gwamnatin shugaba Omar Al-Bashir ranar Alhamis din da ta gabata, bayan 'yan kasar sun kwashe watanni hudu suna zanga zanga akan irin mulkin mallakar da ya ke yi a kasar. Shugabannin sojin kasar sun bayyana cewa yanzu haka yana nan a tsare a hannunsu.

KU KARANTA: Kotu ta bada umarnin rataye wasu mutane guda 7

Wata majiya mai karfi ta bayyana cewa akwai zirga zirgar jami'an hukumomin tsaro a gidan kurkukun Kober da ke birnin Khartoum.

"Akwai sojoji a manyan motoci dauke da manyan bindigogi masu linzami a kofar gidan kurkukun Kober," in ji majiyar.

A satin da ya gabata ne shugabannin sojojin kasar Sudan karkashin jagorancin ministan tsaron kasar suka hambarar da gwamnatin shugaban kasar Omar Al-Bashir, bayan shafe watanni ana gabatar da zanga zanga a fadin kasar.

Shugabannin sojojin sun bayyana cewa sai nan da shekaru biyu za su bayar da mulkin ga farar hula domin cigaba da gabatar da mulkin demokuradiyya a kasar.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Kasashen Duniya Manyan Labarai A Yau Labaran Duniya