Labarai

Zabe: An gano asirin da magauta su ka yiwa El-Rufa’I asiri a Kaduna

Lahadi, Maris 10, 2019 at 8:21 Yamma daga Mudathir Ishaq 2 - tsawon mintuna

An gano wata gora da ke dauke da wasu kayan kulumbuto da wasu rubutun surkulle da aka yi da ajami a wasu makabartu a unguwannin Sabon Kawo da Unguwar Dosa.

Daga cikin rubutun surkullen da aka yi a jikin wata gorar duma an rubuta sunan gwamnan jihar Kaduna, Malam Nasir El-Ruf’ai da Haruna Aliyi Chakis a cikin likkafani a kulle sannan aka binne a makabartar.

Ana zargin wasu magauta gwamnan da shirya ma sa wannan kulumbuto domin ya mutu kafin a gudanar da zaben gwamnoni na jiya ko kuma ya fadi.

A zaben da aka gudanar jiya a Kaduna, kun ji cewar a sakamakon zaben jihar Kaduna ya nuna cewa ‘dan takarar PDP Honarabul Muhammad Isah Ashiru Kudan ya doke jam’iyyar APC a akwatin sa da ke Mazabar sa a cikin Kudan. APC ta samu kuri’a 33 ne yayin da PDP ta samu 284.

Zabe: An gano asirin da magauta su ka yiwa El-Rufa’I asiri a Kaduna — An gano asirin da magauta su ka yiwa El-Rufa’I asiri a Kaduna
Asali: Twitter

Malamin zaben da yayi aiki a rumfa ta 007 da ke cikin Unguwar Kofar Fada a karamar hukumar ta Kudan ya bayyana wannan. Shi ma dai ‘dan takarar na PDP ya sha kashi hannun gwamna Nasir El-Rufai a ta sa mazabar a Kaduna.

DUBA WANNAN: Kai-tsaye: Yadda zaben gwamnoni da 'yan majalisun jiha ke gudana a Sokoto, JIgawa da Kebbi

Tuni dai sanarwar da aka fitar ta nuna cewar gwamna El-Rufa'i ya lashe zaben kujerar gwamnan jihar Kaduna da banbancin kuri'u ma su yawa.

An fafata a takarar gwamnan jihar Kaduna ne tsakanin gwamna mai ci, El-Rufa'i, da babban abokin hamayyar sa a jam'iyyar PDP, Isah Ashiru Kudan.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Kaduna Abun Bakin Ciki Gwamnan Jihar Kaduna Nasir El-Rufai