Shugaban PDP a cikin Jihar Kebbi ya sauya-sheka zuwa APC

Shugaban jam’iyyar PDP mai adawa na karamar hukumar Augie a jihar Kebbi ya sauya-sheka. Daily Trust ta rahoto cewa Mohammed Musa Bayawa Augie ya fice daga PDP ne ya koma jam’iyyar APC.

Alhaji Musa Bayawa Augie wanda yake shugabantar jam’iyyar adawa ta PDP a garin na Augie ya rungumi APC ne yayin da kusan wata guda ya rage a soma zabe a Najeriya. Augie yace PDP ba ta tsinana masu komai ba tun 1999.

Haka kuma akwai wasu dinbin ‘yan PDP a jihar da su ka koma APC a jihar. Sama da mutane 150 daga jam’iyyar PDP a karamar hukumar Maiyama su ka koma jam’iyyar APC a jihar Kebbi. APC tayi alkawarin tafiya da kowa a jihar.

KU KARANTA: Tun wuri APC ta shirya shan kashi a hannun Atiku- PDP

Shugaban jam’iyyar APC na jihar Kebbi, Alhaji Sani Bala Kangiwa, shi ne ya karbi sabbabin shiga jam’iyyar a garin Birnin Kebbi. Tsofaffin ‘ya ‘yan na PDP sun yi alkawarin yi wa APC yaki tukuru a zaben da za ayi kwanan nan.

Kwanan nan ne dai Sakataren jam’iyyar PDP na jihar Kebbi gaba daya watau Muhammadu Sakaba, ya fice daga jam’iyyar adawar ya koma APC. A kwanakin baya kuma PDP ta rasa Buhari Bala da wasu kusoshi zuwa APC.

Idan ba ku manta ba, kwanaki kun ju cewa Uwargidar gwamnan jihar Kebbi, Dr. Zainab Bagudu ta fara bi gida-gida domin yi wa shugaban kasa Muhammadu Buhari kamfen don ganin ya zarce a zaben 2019

Idan ka na da wata shawara ko bukatar ba mu labari, a tuntube mu a: labaranhausa@corp.legit.ng

Ku same mu a https://www.facebook.com/legitnghausa

Ko a http://twitter.com/legitnghausa

Latsa wannan domin samun sabuwar manhajar labarai ta LEGIT NG Hausa a wayar ku ta hannu: https://play.google.com/store/apps/details?id=com.naij.hausa&hl=en

Shafin NAIJ Hausa ya koma LEGIT

Asali: Legit.ng