Kaico! Wata Mota dauke da maniyyata aikin Hajji ta tunjuma cikin Rafi a jihar Katsina
Allah ya takaita wani mummunan hatsari da ya faru a jihar Katsina, inda wasu matafiya, kuma maniyyata aikin Hajjin bana suka tunjuma cikin wani Rafi dake gefen hanya, kamar yadda Legit.ng ta samu rahoto.
Wani ma’abocin kafar sadarwar zamani, Husaini Iliyasu Chiranci ne ya bayyana wannan labari a shafinsa na Facebook, inda yace maniyyatan sun fito ne da nufin isa filin sauka da tashin jirage na jihar Katsina don wucewa kasa mai tsarki.
KU KARANTA: Dakarun Sojojin Najeriya sun ragargaji yan bindigar jihar Benuwe
Sai dai kash, a yayin da suke kan hanyarsu ta zuwa Katsina, lokacin da suka kai garin Charanchi, dake karamar hukumar Charanchi ne wani mai babur ya gitta ma Motarsa tasu, inda a garin kauce ma dan babur din suka afka cikin wani Rafi.
Nan da nan jama’a suka shiga kokarin ceto maniyyatar, aka kuma ci sa’a wajen dukkan maniyyatan, sai dai babu tabbacin ko tafiyartasu na nan ko kuwa za’a daga shi.
A wani labarin kuma, a ranar Litinin, 6 ga watan Agusta ne jerin mahajjata na farko daga jihar Katsina guda 560 suka isa birnin Madinah a kasar Saudiyya a shirye shiryen gabatar da aikin Hajji.
Kaakakin hukumar Alhazai ta jihar Katsina, Badaru Bello ne ya sanar da haka, inda yace mahajjatan sun fito ne daga Bakori, Danja, Dandume, Faskari, Funtua da karamar hukumar Sabuwa, mahajjatan sun hada da Maza 366, Mata 188 sai wasu Maza shida daga jihar Jigawa.
Ku biyo mu a https://www.facebook.com/naijcomhausa
ko a http://twitter.com/naijcomhausa
KU LATSA: Hanyar sauko da sabuwar manhajar jaridar Legit.ng Hausa cikin sauki
Ga masu shawara ko korafi, a same mu a labaranhausa@corp.legit.ng
Asali: Legit.ng
