World Cup: Manyan ‘Yan wasan Duniya da su ka nuna kan su

Ba bakon labari bane cewa yanzu haka dai ana can ana buga Gasar cin kofin Duniya a Kasar Rasha inda tuni aka fatattako Najeriya da duk wata Kasar Afrika tun a zagayen farko na Gasar.

Dalilin haka ne mu ka tafi Kasar Rasha domin kawowa masu karatu jerin ‘Yan wasan da ake tunani sun fi kowa kokari a Gasar. Ga dai jerin ‘Yan kwallon da tuni har sun yi zarra yanzu haka a zagayen da aka kammala:

1. Isco (Sifen)

Masana harkar kwallon kafa sun ce Isco yana cikin wadanda su ka fi kowa yin abin-a-zo-a gani a Gasar wannan karo. Isco yana cikin hatsabiban ‘Yan kwallon da su ke cin karen su babu babbaka a tsakiyar fili.

KU KARANTA: Tarihin Babban 'Dan wasan Najeriya Ahmed Musa

2. Philippe Coutinho (Brazil)

Dan wasan na Barcelona yana cikin masu yin abin burgewa a Gasar bana inji wadanda su ka san harkar kwallo. ‘Dan wasan tsakiyan ya zurawa Kasar sa ta Brazil kwallo kuma yana nuna kwarewar sa a wasannin su.

3. Luka Modric (Kuroshiya)

Kusan ka iya a cewa Modric na Kasar Kuroshiya shi ne wanda ya fi kowa nuna-kan-sa a Gasar na Kofin Duniya. Luka Modric dai ne ya ci Najeriya da Kasar Argetina ban da kuma irin kokarin da yake yi wa kasar sa.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng