Labarai

An kama mutane 3 da suke da hannu a rikicin Filato

Laraba, Yuni 27, 2018 at 4:56 Yamma daga Mudathir Ishaq 2 - tsawon mintuna

A ranar Larabar nan ne wasu dakarun rundunar soja na musamman wadanda ake yi musu taken "Operation Save Haven", suka kama wasu mutane uku wadanda suke da hannu a kashe - kashen da ake yi a jihar Filato a yanzu

An kama mutane 3 da suke da hannu a rikicin Filato

Mun samu rahoton dakarun sun samu nasara kama wadanda ake zargin a kauyen Gashish dake karamar hukumar Barkin Ladi dake jihar Filaton.

DUBA WANNAN: An gano wani sahihin maganin Cancer

An gurfanar da wadanda ake zargin a garin Jos babban birnin jihar Filato, tare da wasu mutane 14, wadanda suma aka kama su da hannu a ta'asar da ake yi yanzu a jihar.

Majiyar mu Legit.ng ta samu rahoton cewar rikicin ya shafi kauyuka 11 wadanda suke a karamar hukumar Barkin Ladi, inda aka yi asarar rayuka da dukiya ta biliyoyin nairori.

A lokacin da ake gabatar da masu laifin, mai magana da yawun rundunar sojin Manjo Umar Adams, ya sanarwa da manema labarai cewar sun kama masu laifin ne a lokacin da suke gyaran bindigogin su.

Adam yace mutane biyu a cikin su Fulani ne sai kuma wani mutum daya dan kabilar Birom, wadanda a yanzu haka suke rigima da junan su akan wurin kiwo.

"Duk mun san da cewar kwanakin baya, an kaiwa wasu kauyuka hari a karamar hukumar Barikin Ladi, mun kama wadannan mutane ukun da hannu akan wannan hare - hare da aka kai yankunan.

"Mun samu nasarar kama su a dai - dai lokacin da mutanen mu suke rangadi a yankin wuraren da abin ya faru, inda muka kama su da bindigogi 8.

"Sannan kuma sauran mutane 14 mun kama su da tada zaune tsaye a fadin jihar nan."

Adam yace har yanzu suna gabatar da bincike akan wadanda ake zargin, sannan kuma ya bada tabbacin zasu cigaba da kokari wurin kawo karshen tashe - tashen hankula a jihar dama kasa baki daya.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Shugaban Sojojin Najeriya Labarin Sojojin Najeriya