Lafiya jari: Illoli 5 da shan ruwan sanyi keyi a jikin dan-adam
Babu shakka shan ruwan sanyi yana da matukar dadi da musamman ma lokacin da gari ya yi zafi, sai dai duk dadinsa, masanna sun gano cewa akwai wasu illoli da ya ke haifar wa a jikin dan adam saboda haka ya zama dole a rika takatsantsan idan har ana son kaucewa wannan matsalolin.
1. Rage karfin bugun zuciya: Bincike ya nuna cewa shan ruwa mai sanyi sosai yana rage karfin bugun zuciya har ma wani lokaci da kai ga tsayawa wanda hakan kuma ya iya zuwa da karen kwana.
2. Rashin narkar da abinci kan lokaci: Ruwan sanyi da sauran ababen sha masu sanyi suna kawo cikas wajen narkewar abinci a cikin dan adam. Hakan na faruwa ne saboda jikin mutum na aiki sosai wajen dumama ruwan ya yi dai-dai da yanayin zafin jikin mutum kafin abincin ya fara narkewa da kyau.
3. Tauye karfin jiki: Masana sunyi gargadi game da shan ruwan sanyi musamman bayan an gama motsa jiki duk da cewa mutane da dama na aikata hakan. Masana harkokin motsa jiki suna sharwartar mutane su sha ruwa mara sanyi bayan kammala motsa jikin domin na'urorin jikin mutum na wahala sosai wajen dumama ruwan don zama dai dai da jiki. Kazalika, hakan na iya janyo ciwon ciki.
4. Karin kiba: Shan ruwan sanyi musamman bayan an ci abinci yakan kawo wa jiki cikas wajen narkar da abincin musamman nau'in abinci mai maiko domin ruwan sanyi yana daskarar da maiko kuma yakanyi wahalar narkewa ya bi jiki. Rashin narkewar maikon da wuri kuma na iya janyo tsukewar hanyoyin jini.
5. Wahalar fitar ba haya: Duk da cewa shan ruwa yana da muhimmanci wajen narkar da abinci sai dai shan mai sanyi karara ya kan haifar da akasin hakan. Dalili kuwa shine ruwan sanyin na daskarar da abinci musamman ma idan abincin mai maiko ne. Hakan kuma ke sanya mutum ya rika shan wahala wajen fitar bayan gida.
Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/naijcomhausa
Twitter: https://twitter.com/naijcomhausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
