Labarai

Rayuwarmu na cikin mummunar hadari, a kawo mana agaji – Inji Fulanin jihar Taraba

Laraba, Maris 21, 2018 at 7:34 Safiya daga Mudathir Ishaq 2 - tsawon mintuna

Shugaban kungiyar Miyetti Allah na yankin Arewa maso gabas, Mafindi Danburam ya bayyana cewa Fulani na cikin halin tsoro, fargaba da firgici, don haka yayi kira ga babban sufetan Yansanda ya kawo musu dauki.

Jaridar The Cables ta ruwaito Mafindi ya bayyana haka ne a ranar Talata 20 ga watan Maris, inda ya zarge gwamnan jihar Taraba, Darisu Ishaku da nuna halin wariya da son kai a tsakanin al’ummar jihar.

KU KARANTA: Kwararan hujjoji guda 5 da zasu kai Buhari ga nasara a zabukan 2019

Majiyar Legit.ng ta ruwaito Mafindi yana bayyana mamakinsa da yadda gwamna Darisu ke nuna bambamci a tsakanin Fulani da sauran kabilun jihar, inda ya zargi gwamnan da nuna halin ko in kula a duk lokacin da aka kashe Fulani.

Shugaba Mafindi yace Fulani basa iya tafiya daga gari zuwa gari a jihar Taraba ba tare da sun nemi rakiyar jami’an Sojojin Najeriya ba; “Bamu da wani kyakkyawar yakini a tare da gwamnan, saboda yadda yake nuna Fulani ne ke da laifi a duk lokacin da aka kai wani hari a jihar.

“Har yanzu Fulani kadai ake kamawa da laifin kai hare hare, bayan kuma mu aka fi kashe a jihar nan, a yanzu haka duk wani Fulani dake garin Ussa ko Takum bai isa ya yayi tafiya ba har sai ya nemi rakiyar Sojoji.” Inji Mafindi

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Taraba