Global site navigation

Na gargajiya

Wani Hakimi ya kashe daya daga cikin wadanda su ka yi kokarin garkuwa da shi, ya raunata biyu
Labarai

Wani Hakimi ya kashe daya daga cikin wadanda su ka yi kokarin garkuwa da shi, ya raunata biyu

daga  Mudathir Ishaq 2 - tsawon mintuna

Hakimin garin Mayo Selbe a karamar hukumar Gashaka, jihar Taraba, ya bawa wasu da su kayi kokarin garkuwa da shi mamaki.

Hakimin, Jauro Hammangabdo, ya kashe daya tare da raunata biyu daga cikin wadanda su ka hauro fadar sa tare da kokarin sace shi.

Masu garkuwar, su tara, sun shiga fadar Hakimin tare da kokarin sace shi daga dakinsa na bacci.

Wani Hakimi ya kashe daya daga cikin wadanda su ka yi kokarin garkuwa da shi, ya raunata biyu
Wani Hakimi ya kashe daya daga cikin wadanda su ka yi kokarin garkuwa da shi, ya raunata biyu

Saidai basaraken ya tirje yayin da su ke kokarin tafiya da shi, har ta kai ga tsohon tsimi ya motsa ya saka hakimin dauko wata takobinsa tare da soke daya daga cikin 'yan ta'addar.

Ganin haka ya saka ragowar rantawa cikin na kare tare da barin bindigoginsu.

DUBA WANNAN: Sabon rikici tsakanin makiyaya da manoma a Filato: An kashe sojoji biyu

Mataimakin gwamnan jihar, Haruna Manu, ya jajantawa dan uwa ga hakimin bisa afkuwar harin da aka kaiwa, Hammangabdo, tare da jinjinawa namijin kokarin da ya yi.

Kazalika shugaban karamar hukumar Gashaka, Mohammed Gayam, ya tabbatar wa da kamfanin dillancin labarai na kasa (NAN) afkuwar lamarin tare da bayyana cewar ya ziyarci hakimi Hammangabdo kuma yana samun kulawa sakamakon rauni da ya samu yayin gwabzawa da 'yan ta'addar.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:
Mudathir Ishaq avatar

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags: