Ummah Shehu ta fadi gaskiya cewa da tayi ‘Yan wasan yanzu sun fi na da gogewa – Mansurah Isah
- Mansurah Isah ta goyi bayan furucin Umma Shehu kan martanin da ta maida wa Ummi ZeeZee
- Umma Shehu tace yan wasan yanzu sun fi na baya gogewa
- Munsurah tace bata ga wani abin jayayya a kai ba
Tsohuwar Jaruma, kuma shahararriya a dandalin shirya fina-finan Hausa na Kannywood Mansurah Isah ta goyi bayan furucin Umma Shehu kan martanin da ta maida wa Ummi ZeeZee na cewa yan wasan yanu sun fi na baya gogewa.
Mansurah wace ta kasance mata ga wani jigo na masana’antar shirya fina-finan wato Sani Musa Danja ta fadi haka ne a wani hira da tayi da wakilin Premium Times a Abuja in da tace ita bata ga wani abin jayayya a kai ba.
A cewar ta: “ Idan ka duba yanzu jarumai na wannan zamani na samun cigaba, sannan kuma an samu cigaba a harkar kimiyya da fasaha da kuma kimiyyar yanar gizo. Ba za’a taba hada zamanin mu ba inda zaka wani fim din ma a wajen daukar sa ne ake gaya wa jarumi abin da zai yi ko fadi.
KU KARANTA KUMA: A kama tsohon shugaban fansho yanzu - Itse Sagay, Falana sun fada ma Buhari
"Yanzu kuwa za’a baka shi a rubuce kayi ta bita har zuwa ranar da za’a fara daukar fim din. Sannan akwai kwarewa yanzu ba kamar da ba. Saboda haka ba zaka ha daba.
“Wasu daga cikin wadanda muka yi zamani da su har yanzu suna damawa a fagen fim din amma dai ai kai kanka ka san ba za su iya hada kansu da masu tasowa ba sai dai su taka iya rawar ganin da zasu iya. Musamman mu mata da muke da kaiyadadden lokacin haskawa a rayuwa gaba dayan ta.”
Ta yabawa jaruman wannan lokaci da yin kira garesu da su mai da hankali a sana’ar domin ganin kannywood ya ci gaba.
Ku biyo mu a https://www.facebook.com/naijcomhausa
ko a http://twitter.com/naijcomhausa
Ga masu shawara ko korafi, a same mu a labaranhausa@corp.legit.ng
Asali: Legit.ng
