Abubuwa uku dake birgeni a dandalin Kannywood - Fati SU
Fitaciyyar ‘yar wasan nan ta Kannywood wacce aka fi sani da suna Fati SU ta bayyana cewaa akwai wasu abubuwa guda uku dake matukar burgeta a dandalinsu na Kannywood.
Ta fayyace wadannan abubuwa ne a lokacin da ta zanta da gidan jaridar Premium Times Hausa.
Fati SU ta yi matukar jinjina wa jaruman kannywood da sauran yan uwanta dake harkar fina-finai a farfajiyar.
Ta bayyana abubuwa uku dake burgeta kamar haka:
1. Tallafa wa juna: “Idan har mutun ya kasance a wannan dandali na Kannywood zaka ga ana tallafa wa juna musamman idan mutun ya kasance sabon shiga ne a harkar. Ana amfana da haka mussamman daga gurin wadanda suka kwana biyu a harkar.”
KU KARANTA KUMA: Femi Adesina yace bambancin dake tsakanin Jonathan da Buhari shine yarda
2. Rashin yi wa juna hassada: “Ko da dai kowa da yadda yake duban al’amarin, ni dai a nawa ganin sai dai a sami rashin jituwa amma son juna ya fi yawa a tsakanin mu. Rashin hassada ga juna musamman idan baka jima ba da Fara harkar. Manyanmu zasu yi ta taimaka maka kaima tauraron ka ya shana."
3. Hadin Kai: “Duk inda kaga dan wasa to zaka ga ana tafiya tare ne. Ko da akwai na ciki amma dai ana tare.”
Domin shawara ko bamu labari, tuntube mu a: labaranhausa@corp.legit.ng
Ku duba shafukanmu na dandalin sada zumunta a:
https://facebook.com/naijcomhausa
https://twitter.com/naijcomhausa
Asali: Legit.ng
