Labarai

Dalilai 3 da za su mu godewa Aliko Dangote

Litinin, Afirilu 10, 2017 at 3:52 Yamma daga Muhammad Malumfashi 1 - tsawon mintuna

– Alhaji Aliko Dangote mai kudin Afrika ya cika shekara 60 a Duniya

– Dangote yana cikin mutane 100 masu kudin Duniya

– Jama’a na samun alheri daga dukiyar Dangote

Dalilai 3 da za su mu godewa Aliko Dangote — Alhaji Aliko Dangote ya cika shekaru 60

Kwanan nan ne Attajirin Duniyar nan watau Alhaji Aliko Dangote ya cika shekaru 60 da haihuwa. Har shugaban kasa Muhammadu Buhari ya aika takarda ga babban dan kasuwa domin taya sa murna, shugaba Buhari yace Dangote ba ya nuna bambanci wajen tafiya da kowa. Akwai dai dalilai da dama da za su sa dole a godewa Allah da ya ba Dangote arziki.

1. Kamfanin tatar mai

Idan har aka kammala aikin masana’antar tatar man Dangote wanda duk Duniya babu irin sa, Najeriya ta huta da wahalar fetur da sauran su irin takin zamani. Har dai Najeriya za ta rika samun kudin shiga na Dala.

KU KARANTA: Farashin shinkafa zai fadi kasa

2. Kayan gini watau Siminti

Ba Najeriya kadai ba kusan mafi yawan kasashen Afrika Aliko Dangote ya shiga ya bude kamfanin siminti domin masu gini. Wannan dai ya taimakawa magina a fadin Nahiyar da siminti na cikin gida.

3. Abinci

Alhaji Dangote ya samawa Jama’a da dama aiki wanda bayan Gwamnatin tarayya babu mai yawan ma’aikatan sa. Dangote dai yana da kamfunan kayan abinci irin su taliya da sauran su a Najeriya.

Ku same mu a https://www.facebook.com/naijcomhausa Ko a http://twitter.com/naijcomhausa

Mai ya kawo tashin farashin kaya a kasuwa?

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng