'Yan Jam'iyyar APC Sun yi Haɗari yayin da Suka Fito Yakin Neman Zabe

• Gwamnan jihar Ondo, Lucky Aiyedatiwa ya ziyarci wasu yan jam'iyyar APC da suka yi haɗari yayin yakin neman zabensa
• Mutanen sun yi hadari ne yayin da suka fito daga ƙaramar hukumar Ilaje domin halartar gagarumin yakin neman zaben APC a Akure
• Gwamna Lucky Aiyedatiwa ya yi amfani da damar ziyarar da ya samu wajen duba halin da asibitin ke ciki tare da yin alkawarin gyara

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Ondo - Gwamna Lucky Aiyedatiwa ya ziyarci yan APC da suka yi haɗari yayin gagarumin yakin neman zabe da jam'iyyar ta yi.

Waɗanda suka yi hadarin sun mika godiya ga gwamnan bisa ba su kulawa da ya yi tun lokacin da suka yi haɗari a makon da ya wuce.

Hadimin gwamna Lucky Aiyedatiwa, Ebenezer Adeniyan ne ya wallafa yadda ziyarar ta gudana a shafinsa na Facebook.

Kara karanta wannan

Zaɓen Ondo: Jerin manyan waɗanda suka yi nasara da waɗanda tafka asara

Yan jam'iyyar APC sun yi hadari a Ondo

Wasu yan APC da suka fito daga karamar hukumar Ilaje ta jihar Ondo sun yi haɗari yayin da suka nufi Akure domin shaida yakin neman zabe.

Tun bayan hadarin da suka yi, an kwantar da matasan a asibitin koyarwa na jami'ar likitanci ta jihar Ondo.

Gwamna ya ziyarci yan APC a asibiti

An ruwaito cewa gwamna Lucky Aiyedatiwa ya ziyarci matasan a asibiti domin duba halin da suke ciki.

Gwamna Lucky Aiyedatiwa ya mika godiya ga Allah kan yadda yaga matasan na samun sauki a asibitin.

Daya daga cikin yan APC da suka yi hadarin da ya yi magana a madadin sauran ya mika godiya ga gwamna Aiyedatiwa.

Gwamna zai gyara asibitin Ondo

Yayin ziyarar, gwamna Lucky Aiyedatiwa ya duba halin da asibitin ke ciki tare da alkawarin gyara shi.

Gwamnan ya samu rakiyar kwamishinan shari'a na jihar Ondo, Dr Awolowo Banji Ajaka yayin ziyarar.

Kara karanta wannan

Bayan lashe zabe, Buhari ya faɗi abin da ya ke so gwamnan Ondo ya yi

Obasanjo ya ziyarci jihar Ondo

A wani rahoton, kun ji cewa tsohon shugaban kasa, Cif Olusegun Obasanjo ya kai ziyarar bude aiki jihar Ondo kafin gudanar da zaben gwamna.

A yayin ziyarar, Olusegun Obasanjo ya bayyana yadda ya yi gwagwarmaya a lokacin da suke yakin neman shugabancin Najeriya a zaben 1999.

Asali: Legit.ng