Ondo 2024: Jam'iyyun Siyasa Sun Ɓollo da Sabuwar Dabarar Sayen Kuri'un Mutane

• Jam'iyyun siyasa sun bullo da sabuwar dabarar sayen kuri'un mutane a zaben da ke gudana yau Asabar a jihar Ondo
• An ruwaito cewa wakilan jam'iyyu su na bai wa duk wanda ya zabi ɗan takararsu takarda da nufin za a ba shi kudin bayan zaɓe
• Masu kaɗa kuri'a a wata rumfar zaɓe sun tabbatar da wannan lamarin, sun ce ba su san adadin kudin da wakilan za su bayar ba

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Jihar Ondo - Yayin da harkokin zabe suka kankama a jihar Ondo yau Asabar, an samu labarin jam'iyyun siyasa sun dage wajen ssyen kuri'un mutane

Rahotanni sun bayyana yadda wakilan jam'iyyu a wasu akwatunan zaɓe suka bullo da sabuwar dabarar sayen kuri'u ta yadda za su kaucewa jami'an tsaro.

Ondo: Jam'iyyun siyasa sun ɓullo da dabara

Kara karanta wannan

Ondo: An tarwatse masu zabe da miyagu suka yi ta harbe harbe, an gano dalili

Jaridar The Cable ta ruwaito cewa wasu wakilan jam'iyyu suna rabawa mutane takarda mai ɗauke da sa hannu a matsayin shaidar sun zaɓi ɗan takararsu.

Wannan dai na zuwa ne yayin da zaɓe ya kankama a mafi yawan rumfunan zaɓe yau Asabar 16 ga watan Nuwamba, 2024.

Ma'aikatan wucin gadi na hukumar zaɓe mai zama kanta watau INEC sun isa rumfunan zaɓe a kan lokaci.

Manyan ƴan takara a zaben sun haɗa da Gwamna Lucky Aiyedatiwa na jam'iyyar APC da Agboola Ajayi na jam'iyyar PDP.

Bayan fara kaɗa kuri'a, jami'an DSS sun yi nasarar cafke wasu masu sayen kuri'u da makudan kudaɗe a tattare da su.

Wakilan jam'iyyu sun koma raba takarda

An ruwaito cewa yanzu kuma wakilan jam'iyyun siyasa sun bullo da dabarar ba mutum takarda mai ɗauke da sa hannu bayan ya zaɓi ɗan takararsu.

Masu kaɗa kuri'a a rumfar zaɓe ta 007 da ke gunduma ta 2 a ƙaramar hukumar sun ce ana ba su takardar ne domin ta zama shaidar da za su karɓi kudi daga wakilan jam'iyyun bayan zaɓe.

Kara karanta wannan

Muhimman abubuwa 6 kan masu kada kuri'a a zaben Ondo

Ɗan takarar LP a zaben Ondo ya kaɗa kuri'a

A wani rahoton, an ji cewa Dan takarar gwamnan jihar Ondo karkashin jam'iyyar LP, Festus Ayo Olorunfemi ya kada kuri’arsa a yau Asabar.

An rahoto cewa Olorunfemi ya kada kuri’ar ne a mazabarsa Ajowa-Akoko, karamar hukumar Akoko ta Arewa maso Yamma.

Asali: Legit.ng