Wani Mutumi Ya Gina Katafaren Gida Da Kwantena 11, Hotunan Sun Kayatar

• Wani hazikin mutumi ya sake nunawa duniya yadda za'a iya amfani da kwantena maimakon bulo da siminti
• Mutumin ya gidan babban gida da kwantena 11 kacal kuma kyan cikin gidan ya bada mamaki
• A Qatar, an gina filin kwallo da kwantena guda 974 kuma ciki aka buga kwallon kofin duniya

Hotunan wani katafaren gida da aka gina da kwantena 11 ya tada cece-kuce tsakanin mabiya kafafen ra'ayi da sada zumunta a Najeriya.

Wani mai suna MBM ya bayyana hotunan gidan a shafinsa na Facebook kuma jama'a sun yi san barka.

Ya bayyana cewa babu abinda babu a cikin gidan kuma har gidan sama aka gina.

Idan kana cikin gidan ba zaka taba gane ba da bulo da siminti aka gina ba.

Kara karanta wannan

An Suburbudi Wani Mutumin Da Yaje Sayen Abinci Da Sabon Naira, Bidiyo

Mutane sun tofa albarkatun bakinsu:

Jalil Akari yace:

" Wannan fa kada mutum yayi kuskure wayar wuta ta fadi kasa."

Naa Mina yace:

"Babu bukatan Siminti da Bulo."

Gaby F Monster yace:

"Kwantena 11 sun yiwa gida 1 yawa. Na san wata mata da tayi amfani da kwantena 5 kuma ta gina gida mai kyau."

Kwabena Aboagye Anyan yace:

"Yan gidanmu garin jingina zasu tunkude kwanten daya kuma sauran su fadi."

James Agrah yace:

"Shin yafi saukin kudi ne? Shekara nawa kwantena zasu yi?"

Asali: Legit.ng