Gobara Ta Kama Hedkwatar Hukumar NYSC Dake Birnin Tarayya Abuja

• Da sanyin safiyar Juma'a wuta ta kama wani bangare na Yakubu Gowon, hedkwatar hukumar NYSC
• Mai magana da yawun hukumar ya bayyana cewa ba'a asarar komai ba sakamakon wannan gobara
• Ya jinjinawa jami'an kashe wutan birnin Abuja bisa saurin zaburarsu wajen kashe wutar

FCT - Gobara ta ci bal-bal a hedkwatar hukumar bautar kasa na matasa da suka kammala karatun gaba da sakandare watau NYSC ranar Juma'a, a birnin tarayya Abuja.

Diraktan yada labaran hukumar, Eddy Megwa, ya bayyana hakan a jawabin da ya fitar.

Ya tabbatar da cewa gobarar ta auku da safiyar Juma'a misalin karfe 7:30 amma ya ce ba'a yi rashin rai ba, kamar yadda ya daura a shafin Tuwita.

A cewarsa, jami'an kwana-kwanan birnin tarayya cikin gaggawa suka kashe wutar.

Yace:

Kara karanta wannan

Jami’an NDLEA na Fuskantar Barazana da Kisa daga Dillalan Kwayoyi, Marwa

"Mun yi sa'a babu rashin rai kuma an samu kwashe dukkan takardu masu amfani."

"Hukumar na godiya ga jami'an kwana-kwanan Abuja bisa amsa kiran da suka yi kan lokaci."

Gobarar ta shafi tsauni na 3 ne inda ofishohin sashen shirye-shirye, bincike da lissafi yake kuma daki daya kadai ya ci wuta,riwayar Dailytrust.

Asali: Legit.ng