Yanzu-Yanzu: Mun Gano Kayan Sojoji, Makudan Kudade A Gidan Tukur Mamu, DSS
Hukumar DSS ta bayyana cewa ta bankado abubuwa da dama a gidan mutumin dale cinikin kudaden fansan fasinjojin jirgin kasan Abuja-Kaduna da yan bindiga duka sace tun watan Sha’aban.
Daga cikin abubuwan da suka gano akwai kayan Sojoji, makudan kudaden kasashe daban-daban.
Jaridar Daily Trust ta ce Kakakin Hukumar, Peter Afunanya, ya bayyana hakan a bukatar neman bayanin da tayi game da binciken kwa-kwaf da Jami’an hukumar suka yo a gidan Tukur Mamu dake Kaduna.
Afunanya yace abubuwan da suka bankado na ban tsoron gaske kuma zasu gurfanar da shi a kotu.
A cewarsa:
Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!
“Kawo yanzu jami’an tsaro sun aiwatar da bincike cikin gida da ofoshin Mamu. An gano abubuwan laifi wanda ya hada da kayan Sojoji.
“Hakazalika an gano makudan kudaden kasashe daban-daban da na’urorin kasuwanci. Yayinda muke cigaba da yin bincike, ko shakla babu Mamu zai gurfana a kotu.”
Asali: Legit.ng
