Za a fuskanci ambaliyar ruwa a watannin Augusta da Satumba a Najeriya, NiMet

• Hukumar kula da yanayi ta NiMet ta sanar da cewa za a fuskanci ambaliyar ruwa a watannin Augusta da Satumba
• Kamar yadda shugaban hukumar, Farfesa Mansur Bako Matazu ya sanar, wannan ya shafi sauyin yanayi a duniya
• Ya shawarci jama'a da ke kusa da wuraren da aka saba ambaliyar da su hanzarta tattara komatsansu su bar wurin

Najeriya zata fuskanci gagarumar ambaliyar ruwa a watannin Augusta da Satumba, kamar yadda hukumar kula da yanayi, NiMet ta tabbatar.

Shugaban NiMet, Farfesa Mansur Bako Matazu, ya bayyana hakan a wani shirin gidan talabijin na Channels TV a ranar Litinin.

Yace cibiyar ta bada shawarwari daban-daban akan ambaliyar ruwa wanda 'yan Najeriya suka ki kiyayewa.

Farfesa Matazu yace: "Za a samu karin yawan ruwan sama a watanni biyu masu zuwa. Zai fi yawa a watannin Yuli, Augusta da Satumba. Za mu fuskanci karin ambaliyar ruwa."

Kara karanta wannan

Hotuna da bidiyo: Dankareriyar daham din da Fatima Shettima ta saka wurin wushe-wushe ya dauka hankali

"Wannan abu ne da duniya baki daya ya kamata ta damu da shi saboda yana da alaka da sauyin yanayi kuma akwai abubuwan dake kawo shi.

"Don haka, za a samu karfin ambaliyar ruwa kuma muna shawartar MDAs ballantana a matakin jihohi da kananan hukumomi da su shawarci mutanen da ke kusa da wuraren da ake samun ambaliya ko za a iya samu da su tattara su bar wuraren," yace.

Asali: Legit.ng