Dantata, Ojukwu, Da Rochas da sauran masu kudin da suka shahara kafin samun ‘yancin-kai

• Tun fil azal, akwai manyan masu kudi a Najeriya wanda labarin dukiyarsu ya tsallaka kasashe.
• Legit.ng ta tattaro maku wasu daga cikin Attajiran farko da aka yi tun zamanin mulkin mallaka.
• Zuri’ar Alhassan Dantata da Odumegwu-Ojukwu sun yi kudin tun kafin Najeriya ta samu ‘yanci.

Wasu daga cikin masu kudin farko da aka fara yi a tarihi:

1. Candido Da Rocha (1860 – 1959)

Masana suna ganin Candido Da Rocha ne attajirin farko da aka yi, wanda ya mallaki miliyan a Najeriya. Da Rocha ya yi bauta a kasar Brazikl kafin ya zo Najeriya inda ya kafa daular kasuwanci.

Da Rocha ne ya jawo ruwan fanfo a wasu yaunkunan Legas irisu Iju, Yaba, da Ebute Metta.

2. Alhassan Dantata (1877 –1955)

Kara karanta wannan

Gumi ya caccaki 'yan aware: Igboho da Kanu ne suka kunna wutar rikicin Fulani a kudu

Ba zai yiwu ayi batun dukiya ba tare da an kawo maganar gidan Alhasawa ba. Tun 1929 Dantata ya bada ajiyar kudi a bisa rakuma 20 a sabon bankin Bank of West Africa da aka bude a Kano.

Punch tace Alhassan Dantata ya yi kasuwancin gyada, goro, hatsi da dabbobi a kasashen Duniya.

3. Timothy Odutola (1902-1995)

Timothy Odutola shi ne shugaban kungiyar Manufacturers Association of Nigeria (MAN) na farko a tarihi. Tun kafin Najeriya ta samu ‘yanci daga hannun Ingila, Odutola ya zama babban mai kudi.

4. Sir Mobolaji Bank-Anthony (1907 - 1991)

Mobolaji Bank-Anthony ya rike shugaban kungiyar kasuwar hada-hadar hannun jari na kasa, ya na cikin masu hannun jari a Aero Contractors, kuma shi ya bude bankin M. de Bank Brothers

A shekarar 1931, Mobolaji Bank-Anthony ya fara zuwa Jamus da Ingila domin koyon kasuwanci.

Kara karanta wannan

Paris Club: Minista, Gwamnoni na rigima kan biliyoyin da aka biya masana daga asusunsu

5. Sir Louis Odumegwu-Ojukwu (1908 -1966)

Ana cewa Louis Odumegwu-Ojukwu ne mutumin da ya fara mallakar Biliyan a Najeriya. Baya ga haka mahaifin na Chuwkumeka Ojukwu ne ya fara rike kungiyar hada-hadar hannun jari.

Ojukwu ya yi arziki ne ta hanyar shigo da busasshen kifi da tufafi da harkar siminti a Najeriya.

An sace kudin 'yan fansho

Kun ji labarin yadda wasu manyan bankuna 2 suka taimakawa Abdulrasheed Maina ya sacewa ‘Yan fasho Naira Biliyan 2 a Najeriya. A karshe aka daure shi a kurkuku.

Alkalin kotun tarayya da ya zartar da hukuncin yace wadannan bankunan suna sane aka sace kudin Bayin Allah. Saura kiris a karbewa bankunan biyu laisin aikinsu.

Asali: Legit.ng