wata mata ta haifi tagwaye masu kai daya a maimakon da daya
Abubuwan al’ajabi daban daban na faruwa a rayuwa! Rayuwa na ruskar mutane ta hanya daban daban. Idan ka taba jin irin wannan zancen, zaka gane abunda rayuwa ta kunsa.
Kuma ya zama dole mu yarda da cewan rayuwar wasu mutane ya canza saboda basu san cewa zasu zo su samu wani muhimmin abu a rayuwa ba. Suna tafiyar da rayuwarsu a sawwake kuma basu sa a rai cewa wani babban abu zai zo ya canza matsayinsu ba har abada har ma ya zama ana bibiyar su.
A halin ciki, yawancin mata sun san cewa suna sauraron haihuwar da wannan zai sa kaga sun fara shirye-shirye kafin ranar haihuwa. Zakaga suna siye-siyen kaya da zai dace da yanayin lokacin da za’a haifi yaron a ciki.
Babu shakka mace na iya kasancewa cikin mamaki bayan ta haihu barin ma idan dan da ta Haifa ya sha bambam da abunda likitoci suka fada mata a lokacin awon ciki. Mutun zai kasance cikin farin ciki idan ya haifi da mai cikakken lafiya.
KU KARANTA KUMA: An tura Fasto da kaninsa gidan kurkuku na wata shidda
Ga mutanen da suke kokwanton cewa bazai taba yihuwa ace mace tana da ciki amma bata san abunda zata Haifa ba, labarin Taslima Khatun Uno zai canza masu wannan tunani nasu. Ta kasance uwar tagwaye da suka zo a hade, wacce bata san cewa cikin tagwaye take dauke da shi ba saboda likita ya fada mata cewa cikin da daya take dauke da shi.
Uno ta haifi yaranta ta hanyar aiki da akayi mata a wani asibiti dake arewacin Bangledesh kimanin watanni uku da suka wuce. Ita da mijinta basu san cewa yaran a hade suke ba har sai bayan haihuwarsu.
KU KARANTA KUMA: Matukin jirgin shugaba buhari, kyaftin Chinyelu
Asali: Legit.ng
