Ke ce addu'a ta da aka karba: Hanan Buhari da Muhammad Turad sun shekara 1 da aure
- Hanan Buhari da mijinta Muhammad Turad Sha'aban sun cika shekara cif da aure
- Cike da shaukin kaunar matarsa, Turad ya wallaf cewa ita ce addu'arsa da aka amsa
- Ba tare da bata lokaci ba, hazikar mai daukar hoton ta wallafa hotunansu tare da murna
Diyar shugaban kasa Muhammadu Buhari, Aisha Hanan Buhari da mijin ta, Muhammad Turad Sha'aban sun yi murnar cikarsu shekara daya cif da aure a ranar Asabar, 4 ga watan Satumba.
Hazikar mai daukar hoton tare da mijinta sun garzaya shafukansu na Instagram inda suka taya juna murnar cika shekara 1 da aure.
Asali: Instagram
"Ke ce addu'a ta da aka ansa! Ina mana murnar zagoyar ranar auren mu" Mohammed ya wallafa yayin da ya hada da kyakyawan hotonsu tare.
A bangaren ta, Hanan ta wallafa hotonsu a shafin ta na Instagram tare inda ta ce: "Murnar shekara 1 masoyi na."
Buhari ya nada ni minista bayan sa'o'i 2 da karbar takardu na, Korarren minista Mamman
A wani labari na daban, tsohon ministan wutar lantarki, Saleh Mamman ya bayyana yadda shugaban kasa Muhammadu Buhari ya nada shi a minista bayan ganin takardun sa bai wuci da sa’o’i biyu ba.
Daily Nigerian ta ruwaito hakan ne bayan kwanaki kadan da shugaban kasa Muhammadu Buhari ya sallami ministan wutan lantarkin da kuma ministan ayyukan noma.
“Zan cigaba da yi wa shugaban kasa godiya saboda zabe na da yayi ba tare da na roke shi ba. Bai kai sa’a biyu ba da ya amshi takardu na ya nada ni a matsayin minista,” a cewar tsohon ministan.
Asali: Legit.ng
