Yanzu-yanzu: Sanata Stella Oduah ta sauya sheka daga PDP zuwa APC

Yanzu-yanzu: Sanata Stella Oduah ta sauya sheka daga PDP zuwa APC

  • Jam'iyyar APC ta samu sabon Sanata daya daga jihar Anambara
  • Gwamnonin APC 3 da mataimakin shugaban majalisa suka tarbeta
  • Wannan na faruwa ana saura yan makonni zaben gwamnan jihar Anambra

Abuja - Tsohuwar Ministar sufurin jirgin sama, kuma Sanata mai wakiltar Anambra a majalisar dattawa, Stellah Oduah, ta fita daga jam'iyyar People Democratic Party (PDP).

Bayan fitar ta, Stella Oduah ta sanar da manema labarai komawarta jam’iyyar APC

Oduah tayi wannan sanarwa ne a zaman da tayi da shugaban kwamitin rikon kwaryan APC kuma gwamnan Yobe, Mai Mala Buni.

Daga cikin wadanda ke zaman akwai gwamnan jihar Kebbi, Atiku Bagudu; mataimakin shugaban majalisar dattawa, Ovie Omo-Agege; gwamnan jihar Imo, Hope Uzodinma; da Sanata Andy Uba.

Kalli hotunan:

Read also

Labari Da Duminsa: Rikicin Shugabancin PDP Ya Ƙare, an Nada Sabon Shugaba Na Kasa

Yanzu-yanzu: Sanata Stella Oduah ta sauya sheka daga PDP zuwa APC
Yanzu-yanzu: Sanata Stella Oduah ta sauya sheka daga PDP zuwa APC Hoto: AIT Onine
Source: Facebook

Yanzu-yanzu: Sanata Stella Oduah ta sauya sheka daga PDP zuwa APC
Yanzu-yanzu: Sanata Stella Oduah ta sauya sheka daga PDP zuwa APC Hoto: AIT Online
Source: Facebook

INEC Canza Dan Takarar APGA, Ta Cire Jam'iyyar PDP Daga Zaben Gwamnan Anambra 2021

Hukumar zabe mai zaman kanta (INEC) ta canza sunan Michael Umeoji, zuwa Chukwuma Soludo, a matsayin ɗan takarar gwamnan Anambra karkashin jam'iyyar APGA.

Hakazalika, INEC ba ta sanya jam'iyyar PDP ba a jerin waɗanda ta tantance zasu fafata a zaɓen gwamnan dake tafe ranar 6 ga watan Nuwamba 2021, kamar yadda Punch ta ruwaito.

Kwamishinan INEC kuma shugaban kwamitin yaɗa labarai, Festus Okoye, shine ya bayyana haka a wata sanarwa da ya fitar ranar Alhamis a Abuja.

Source: Legit.ng

Online view pixel