Global site navigation

Na gargajiya

Sojoji sun hallaka yan ta'addan IPOB 6, an damke 13, an kwace AK47 guda 19
Labarai

Sojoji sun hallaka yan ta'addan IPOB 6, an damke 13, an kwace AK47 guda 19

daga  Abdul Rahman Rashid 2 - tsawon mintuna
  • Jami'an tsaron Najeriya na cigaba da samun nasarori kan yan bindiga da yan ta'adda
  • Da alamun matsalar tsaro zai zo karshe idan aka cigaba da samun irin wadannan nasarori
  • An samu nasarar damke babban kwamanda a kungiyar IPOB/ESN

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

Rundunar Sojojin Najeriya tare da hadin kan sauran jami'an tsaro a kudu maso gabas inda suka hallaka kwamandan IPOB da yaransa biyar bayan artabu da sukayi a Nkanu, jihar Enugu.

Hakazalika jami'an sun damke mutum 13 cikin yan kungiyar rajin ballewa daga Najeriya.

Mukaddashin diraktan yada labarai na hedkwatar tsaro, Birgediya Janar Bernard Onyeuko, ya bayyana hakan ne a hira da manema labarai kan nasarorin da suka samu ranar Alhamis, rahoton Vanguard.

Yace a hare-haren da suka kai kudu maso gabas:

"An hallaka wani kwamandan ESN kuma an damke daya. Gaba daya, an hallaka yan IPOB/ESN shida yayinda aka damke mutum 13."

Kara karanta wannan

Da duminsa: Gurneti ya tashi da kananan yara 5 a Ngala, jihar Borno

Wannan nasara ya biyo bayan harin kwantan bauna da jami'an tsaro suka kaiwa yan ta'addan da suka kashe DPO na yan sanda a garin Omuma dake karamar hukumar Orlu East, a jihar Imo.

DUBA: Saukar da sabuwar manhajarmu ga masu amfani da Android, karanta labarai da duminsu a manhajar kafar labarai ta #1 a Najeriya

Sojoji sun hallaka yan ta'addan IPOB 6, an damke 13, an kwace AK47 guda 19
Sojoji sun hallaka yan ta'addan IPOB 6, an damke 13, an kwace AK47 guda 19 Hoto: IPOB
Asali: UGC

Bayan haka, jami'an tsaro sun damke wani kasurgumin dan IPOB/ESN mai suna Obumneka a garin Umeli Amaraku a karamar hukumar Isiala Mbano ta jihar Imo. An kamashi da makamai da harsasai.

Yace:

"Sojoji sun kai hari mabuyar IPOB/ESN dake garin Amaechi Idod a karamar hukumar Nkanu na Enugu da Nguzu Edda a karamar hukumar Afikpo a Ebonyi."
"Sojojin sun kwace bindigar AK-47 guda 19, bindigogin gargajiya 2, bindigar G3, dss."

Asali: Legit.ng

Authors:
Abdul Rahman Rashid avatar

Abdul Rahman Rashid Rashidah Abdul Rahman 'yar jarida ce kuma dalibar ilimi wacce ta kwashe shekaru kimanin hudu yanzu tare da shararriyar jarida Legit. Ta samu gogewa a ɓangaren rubutun labarai akan fannoni shatta, wanda suka hada da siyasa, kasuwanci, wasanni, nishadi, dss. Zaku tuntubarta a akwatin email: abdulrahman.rashidah@corp.legit.ng