Sunday Igboho ya ji mummunan rauni lokacin da DSS suka kai hari gidansa, Lauyansa

Sunday Igboho ya ji mummunan rauni lokacin da DSS suka kai hari gidansa, Lauyansa

  • Lauyan Igboho ya ce mutumin ya jigata sosai kuma yana bukatan ganin Likita
  • Ya mika bukata ga kotu a bashi beli don ya kula da kansa
  • Igboho ya tsallake rijiya da baya yayinda DSS suka kai harin gidansa a farkon watan yuli

Mai rajin kafa kasar Oduduwa, Sunday Igboho, ya samu munanan raunuka lokacin da jami'an hukumar DSS suka kai masa hari gidansa dake Soka, Ibadan, jihar Oyo.

A ranar Alhamis, 1 ga Yuli, 2021, hukumar DSS ta kai samame gidan Igboho.

Lauyansa na kasar Benin, Ibrahim Salami, ya bayyana hakan a hirar da yayi ranar Talata, rahoton ThePunch.

Ya yi bayanin cewa har yanzu Igboho na jinyan raunuka.

A cewarsa, Sunday Igboho na bukatan a bashi beli saboda ya kula da kansa.

Salami yace,

"Ina kira ga iyalansa da magoya bayansa suyi hakuri kuma su cika da addu'a. Lokacin da suka kai hari gidansa a Najeriya, ya yi tsalle ne daga saman gini kuma kirjinsa ya samu rauni. Ya jigata sosai."

Read also

Ubangiji ya juyawa Buhari baya, Fasto Bakare ya bayyana a sabon bidiyo

"Kai ko tsayuwa ya gaza yi gaban Alkali. A zaune yayiwa Alkali magana. Yana bukatan a sakeshi saboda ya kula da kansa."

Sunday Igboho ya ji mumunan rauni lokacin DSS suka kai hari gidansa, Lauyansa
Sunday Igboho ya ji mumunan rauni lokacin DSS suka kai hari gidansa, Lauyansa Hoto; Sunday Igboho
Source: UGC

Harin da DSS ta kai gidansa

A harin da DSS ta kai, an damke abokansa 13 kuma an hallaka 2.

Kakakin DSS, Peter Afunanya, ya bayyana hakan a hirar da yayi da manema labarai cewa sun samu labarin Sunday Igboho na boye makamai a gidansa.

Sunday Igboho ya gurfana a kotu a Kwatano don sanin makomarsa

A ranar Litinin ne Sunday Igboho, dan awaren Yarbawa ya bayyana a Kotun daukaka kara a Kwatano inda yake gab da fuskantar shari'a, The Nation ta ruwaito.

Bayan kimanin awanni shida ana zama, kotu ta bada umurni a mayar da shi gidan yari.

Source: Legit

Tags:
Online view pixel