An bude sabon Masallaci mafi girma na biyu a yankin Afirka ta yamma a kasar Ghana

• An kaddamar da babban Masallacin kasar Ghana
• Masallacin na da siffa irin na Hagia Sophia dake kasar Turkiyya
• Shugaban kasar Ghana ya bude Masallacin

Bayan tsawon lokaci ana gini, an bude sabon babban Masallacin kasar Ghana wanda ake ikirarin cewa shine mafi girma a yankin Afrika ta yamma.

Shugaban kasar Ghana, Nana Akufo Addo, da kansa ya kaddamar da Masallacin a ranar Juma'a, 16 ga watan Yuli, 2021.

Shugaban kasan ya bayyana cewa akwai katafaren asibiti a cikin Masallacin da kuma dakin karatu.

Hakan ya bayyana a jawabin da ya daura a shafinsa na Facebook da yammacin Juma'a.

Ya kara da cewa Masallacin na dauke da dakin ajiye gawawwaki da wajen ajiyan magunguna.

Yace:

"A ranar Juma'a, 16 ga Yuli, 2021, na kaddamar da Masallacin kasar Ghana don amfanin Musulman kasarmu."

"Wannan Masallaci ne mafi girma a yammacin Afrika, akwai ofishin babban limamin kasar, katafaren asibiti da gidan magani, dakin karatu da kuma dakin ajiye gawawwaki."

Yan Najeriya sun tifa albarkacin bakinsu

Attahiru Ibrahim Yace:

MASHA Allah. Allah kara dauka musulunci

Zaitun Bint Zaid el'Kanawee tace:

Masha Allah,amma ya ginu kuwa sosai

Abdulhakeem Abdullahi yace:

Masha Allah Allah yakara daukaka musulmai da musulunci

Babagana Alhaji Adam yace:

Masha ALLAH, Nayi Farin ciki Sosai Wallahi

يوسف بن ابى بكر yace:

Masha Allah.

Allah yanuna mana an kammala na garin yabo

·

Asali: Legit.ng