Labarai

Yanzu-yanzu: Alkali Abdul Kafarati ya rigamu gidan gaskiya

Jummaʼa, Faburairu 26, 2021 at 11:22 Safiya daga Abdul Rahman Rashid 1 - tsawon mintuna

Tsohon Antoni Janar na jihar Bauchi kuma Alkalin babban kotun tarayya, Abdul Kafarati, ya rigamu gidan gaskiya.

Majiya daga gidan mamacin ta bayyana cewa Alkalin ya mutu ne bayan Sallar Magariba ranar Alhamis.

A cewar majiyar, Za'a yi masa Sallar Jana'izar a ranar Juma'a a babban Masallacin tarayya dake Abuja bayan Sallar Juma'a.

"Innalillahi Wa inna ilaihi Rajiun. Ina alhinin sanar da mutuwar daya daga cikin dattawansa, Alkali Abdul Kafarati da daren nan bayan Sallan magariba a Abuja," cewar majiyar.

Gabanin rasuwar, Alkali Abdul Kafarati ya kasance tsohon shugaban Alkalan babban kotun tarayya.

Alkalin ya yi ritaya ranar 25 ga Yuli, 2019.

Yanzu-yanzu: Alkali Abdul Kafarati ya rigamu gidan gaskiya
Asali: UGC

Asali: Legit.ng

Authors:

Abdul Rahman Rashid Rashidah Abdul Rahman 'yar jarida ce kuma dalibar ilimi wacce ta kwashe shekaru kimanin hudu yanzu tare da shararriyar jarida Legit. Ta samu gogewa a ɓangaren rubutun labarai akan fannoni shatta, wanda suka hada da siyasa, kasuwanci, wasanni, nishadi, dss. Zaku tuntubarta a akwatin email: abdulrahman.rashidah@corp.legit.ng