EndSARS: Bata-gari ne suka karbe zanga-zangar - Buhari
- Shugaban kasa Muhammadu Buhari ya ja kunnen matasan da suka canja salon zanga-zangar EndSARS
- Ya ce hakkin dan kasa ne yin zanga-zangar lumana idan hakan ya zama wajibi a garesa
- Amma baya daga kundin tsarin mulkin Najeriya a mayar da zanga-zanga ta'addanci a ko ina
Zanga-zangar EndSARS ta canja salo cewar Shugaban kasa Muhammadu Buhari, jaridar The Nation ta wallafa.
A jawabin da shugaban kasa yayi da daren Alhamis, wanda ya ja kunnen wadanda suka yi uwa da makarbiya a kan zanga-zangar ya ce lallai gwamnatin tarayya ba za ta yarda da sauran ta'addanci ba.
Yace: "Wajibi ne in ja kunnen wadanda suka canja wa zanga-zangar EndSARS salo daga asalin makasudinta, wadda matasa suka fara a kan dakatar da rundunar SARS.
"Zabin yin zanga-zangar lumana na daya daga cikin hakkokin dan kasa na shashi 40 na kundin tsarin mulkin; amma sai dai damar nan ta zanga-zangar bat ada alaka da yin barin kasa-kasa da dokoki."
KU KARANTA: Da duminsa: Jami'an tsaro sun isa fursuna ta Ikoyi bayan yunkurin balle ta
Asali: Twitter
KU KARANTA: Da duminsa: Bata-gari sun fara fashi har cikin gida, sun balle Shoprite a Legas
A wani labari na daban, mataimakin shugaban kasar Najerya, Farfesa Yemi Osinbajo, ya nuna damuwarsa a kan harbe-harbe da kashe-kashen 'yan Najeriya da aka yi sakamakon bukatar kawo karshen cin zarafin 'yan sanda da suka yi a kasar nan.
Ya bayyana hakan a wata wallafa da yayi a shafinsa na Twitter a ranar Laraba, The Punch ta tabbatar.
Mataimakin shugaban kasar wanda yace ya samu zantawa da wasu wadanda aka kwantar a asbitoci, ya ce wadanda aka harba ko aka kashe sakamakon zanga-zangar za a tabbatar da an bi musu hakkinsu.
Domin sauke manhajar labaran Legit.ng a wayar ku ta hannu, latsa wannan rubutu na kasa:
https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
