Zaben Edo: An harbi ma'aikacin INEC, an raunata wani ma'aikacin wucin gadi

- Tun a ranar Asabar hukumar zabe ta kasa (INEC) ta fara sakin sakamakon zaben kujerar gwamnan jihar Edo

- Har ya zuwa wannan lokaci, jam'iyyar PDP ce a kan gaba da tazara mai yawan gaske daga sakamakon da aka kammala tattarawa

- Zaben kujerar gwamnan ya fi zafi a tsakanin gwamna mai ci, Godwin Obaseki, da babban abokin hamayyarsa, Osagie Ize-Iyamu, dan takarar APC

Wani ma'aikacin hukumar zabe ta kasa (INEC) ya na kwance a asibiti sakamakon mummunan raunin da ya samu bayan an harbeshi da bindiga a jihar Edo.

Babban baturen zaben gwamnan jihar Edo na karamar hukumar Etsako Central, Farfesa Godswill Alan Lukman, ya tabbatar da cewa an harbi ma'aikacin ranar Asabar a mazabar da ya ke aiki.

Farfesa Godswill ya sanar da hakan ne ranar Lahadi yayin da ya gabatar da sakamakon zaben karamar hukumar Etsako Central a cibiyar tattara sakamako ta jiha da ke Benin, babban jihar Edo.

Ya bayyana cewa ma'aikacin da aka harba bai mutu ba amma ya na cikin mawuyacin hali.

A cewar Farfesa Godswill, wasu 'yan dabar siyasa ne suka kawo farmaki wurin zaben, lamarin da ya haddasa barkewar rikici.

KARANTA: Yadda APC ke shan mugun kaye a hannun PDP a zaben jihar Edo

Ma su kada kuri'a sun tarwatse tare da gudun neman mafaka sakamakon rikicin da ya barke, a cewar Farfesa Godswill.

Bayan ma'aikacin da aka harba, 'yan dabar sun raunata wani ma'aikacin INEC na wucin gadi.

Baturen zaben ya bayyana cewa barkewar rikici a mazabar ya hana a cigaba da gudanar da zabe.

Ga wasu daga cikin sakamakon zaben kamar yadda INEC ta saki;

Karamar hukumar Igueben

PDP: 7,870

APC: 5,199

KARANTA: Jiya da yau: Muhimman abubuwa 5 da suka faru a ranar zaben Edo da wadanda ke faruwa a yanzu

Karamar hukumar Esan central

PDP: 10,964

APC: 6,719

Karamar hukumar Esan north-east

PDP: 13,579

APC: 6,559

Karamar hukumar Esan south-east

PDP: 10,565

APC: 9,237

Karamar hukumar Ikpoba Okha

PDP: 41,030

APC: 18,218

Karamar hukumar Owan east

PDP: 14,762

APC: 19,295

Karamar hukumar Etsako west

PDP 17,959

APC 26,140

Karamar hukumar Egor

PDP: 27, 621

APC: 10, 202

Karamar hukumar Esan west

PDP – 17,433

APC – 7,189

Karamar hukumar Uhunmwonde

PDP: 10,022

APC: 5,972

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng