Shan shayi yana inganta lafiyar kwakwalwa - Bincike

Wasu kwararrun masu bincike na jami'ar kasar Singapore (NUS) sun ba da bayanai kan yadda masu shan ruwan shayi tsura ke samun ingancin lafiyar kwakwalwa fiye da wadanda basa sha.

Binciken ya nuna cewa, mutanen da suka riki shan shayi akai-akai yana inganta tsarin kwakwalensu sabanin wadanda basu bai wa shan shayin muhimmanci ba.

Kwararrun masanan sun gudanar da binciken na su ne bayan nazari kan hoton kwakwalen wasu dattawa 36 da suka dauka.

Jagoran masu binciken, Farfesa Feng Lei, na sashen nazarin halayyar dan Adam a jami'ar kiwon lafiya ta Young Loo Lin, shi ne ya yi bayanin hakan kamar yadda jaridar Daily Trust ta wallafa.

Farfesa Lei ya ce wannan ita ce hujja ta farko da suka samu a sakamakon binciken da suka gudanar, inda shan shayi ke ba da gagarumar gudunmuwa wajen inganta lafiyar kwakwalwa.

Ya ce yawan shan shayin akai akai na kara bunkasa lafiya ta kwakwale masu rauni ta mutanen da ke da shekaru masu yawa.

An gudanar da binciken tare da haɗin gwiwar Jami'ar Essex da Jami'ar Cambridge, kuma an wallafa shi a mujallar kimiyya ta Aging a ranar 14 ga Yunin 2019.

Bayanai sun gabata ce wa yawan shan shayi akai akai yana da matukar muhimmanci ga lafiyar mutanen da suka haura shekaru sittin a duniya.

KARANTA KUMA: Mutum 15 sun tsira yayin da gini ya ruso a Kano

An gano cewa, matasan da suka dabi'antu da shan shayi kamar sau hudu a kowane mako har na tsawon shekaru 25, su na samun ingancin lafiyar kwalkwalwa a yayin da shekarunsu suka yawaita.

Binciken da ya gabata ya nuna cewa, shan shayi tsura musamman na ganyayayyaki, yana bunkasa lafiyar lafiyar kwalkwala da kuma bayar da garkuwa ta cututtuka masu nasaba da zuciya.

Wani bincike da aka wallafa karo na farko a shekarar 2017 ya nuna cewa, shan shayi a kan kari yana rage rikicin tsufa da kashi 50 cikin 100 a kan mutanen da shekarunsu suka yawaita.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng