Siyasa

'Yan majalisa sun fara shirin raba Buhari da wani iko da kundin mulki ya bashi

Jummaʼa, Yuli 03, 2020 at 8:23 Yamma daga Mudathir Ishaq 2 - tsawon mintuna

A ranar Alhamis ne, kuma a karo na biyu, majalisa ta sake karanta kudirin neman raba shugaban kasa da ikon da kundin mulki ya bashi na kwace kadarori ma su motsi da na girke tare da mikasu hannun kotuna.

Mataimakin shugaban majalisar wakilai, Ahmed Idris Wase, ne ke neman a yi wa dokar garambawul a karon farko tun bayan kirkirarta a shekarar 2004.

Majalisa ta na son gyara dokar ta hanyar raba shugaban kasa da ikonsa na kwace kadarorin mutane ko hukumomi tare da mayar da ikon yin hakan hannun alkalan manyan kotuna.

Wase ya ce akwai bukatar a mayar da ikon kwace kadarorin hannun alkalan manyan kotuna bisa tsarin kundin mulkin kasa.

A cewarsa, yin hakan zai kawar da duk wani son rai da shugaban kasa, a yanzu ko nan gaba, zai iya sakawa wajen kwace kadarar wani mutum, kungiyoyi, da hukumomi.

Ya kara da cewa, dokar da ta bawa shugaban kasa ikon kwace kadarori ta ci karo da tanadin wasu dokoki da ke ciki kundin tsarin mulki na shekarar 1999.

'Yan majalisa sun fara shirin raba Buhari da wani iko da kundin mulki ya bashi — Honarabul Wase da shugaba Buhari
Asali: Twitter

Wase ya ce sashe na 44 na kundin tsarin mulkin Najeriya ya bawa dukkan 'yan kasa damar mallakar dukiya mai motsi ko ta girke, kuma bai kamata a hana wani dan kasa ikon mallakar kadara ba matukar babu wani dalili mai kwarin gaske.

DUBA WANNAN: Takaicin kwace babur: Dan achaba ya cinnawa kansa wuta a ofishin 'yan sanda

Ya ce doka ta amince a yi hukunci ko a kwace kadara bayan kotu ta zartar hukunci.

Ya ce kotu ce kadai keda ikon zartar da hukunci a kan kwace wata kadara, a saboda haka bai kama a bar ikon hakan a hannun shugaban kasa ba.

Ya ce za a iya amfani da ikon kwace kadara ta hanyoyin da basu dace ba matukar aka bar ikon yin hakan a hannun shugaban kasa.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Siyasar Najeriya Femi Gbajabiamila