Labarai

An kashe 'yan Najeriya 11 a cikin sati uku yayin tabbatar da dokar kulle - NHRC

Litinin, Mayu 11, 2020 at 6:40 Yamma daga Mudathir Ishaq 2 - tsawon mintuna

- Hukumar kare hakin bil'adama ta kasa (NHRC) ta ce jami'an tsaro sun kashe mutane 11 bayan tsawaita dokar hana zirga - zirga

- A rahoto na farko da ta fitar kafin wannan, NHRC ta ce jami'an tsaro sun kashe mutane 18 a cikin sati biyu da saka dokar zaman gida

- A cikin sabon rahoton, NHRC ta ce ta samu korafi 104 na take hakkin bil'adama a cikin sati uku na tsawaita dokar kulle a sassan Najeriya

A kalla mutane 11 aka kashe a sassan Najeriya a cikin sati uku da suka gabata yayin tabbatar da dokar kulle da aka tsawaita saboda dakile yaduwar annobar korona a kasa.

Hakan na kunshe ne a cikin rahoton da hukumar kare hakkin bil'adama ta kasa (NHRC) ta fitar a ranar Litinin.

NHRC ta ce jihar Abia ce a gaba da adada mutane hudu da aka kashe yayin tabbatar da dokar kulle.

A cikin rahoto na farko da ta fitar bayan shafe sati biyu da saka dokar kulle, NHRC ta bayyana cewa jami'an tsaro a Najeriya sun kashe mutane 18 yayin aikin tabbatar da dokar zaman gida, adadin da hukumar ta ce ya zarce na wadanda annobar korona ta kashe.

An kashe 'yan Najeriya 11 a cikin sati uku yayin tabbatar da dokar kulle - NHRC
Asali: Twitter

A cikin sabon rahoton, NHRC ta ce ta samu korafi 104 na take hakkin bil'adama a cikin sati uku na tsawaita dokar kulle a sassan Najeriya.

DUBA WANNAN: Takunkumin fuska ya zama dole a Kano, za a gurfanar da masu kunnen kashi - Ganduje

Babban sakataren NHRC, Barista Tony Ojukwu, ya ce bayan jihar Abia da aka kashe mutane hudu, an kashe mutane biyu a jihar Delta, yayin da aka samu rahoton mutuwar mutum daya a kowacce daga cikin jihohin Neja, Jigawa, Lagos, Anambra da Ribas.

Ojukwu ya ce jami'an rundunar 'yan sanda sun kashe mutane 7 daga cikin mutanen 11, yayin da jami'an hukumar tsaro ta NSCDC da wata hukumar tsaro a jihar Abia suka kashe mutum dai - dai.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Abia Abun Bakin Ciki