Darajar gangar danyen man Amurka ta sauka zuwa dala $0.1 a kasuwannin duniya

Darajar gangar danyen man Amurka ta sauka zuwa dala $0.1 a kasuwannin duniya

Farashin gangar danyen mai na kasar Amurka ya yi saukan da bai taba yi ba a shekara 22 a ranar Litinin inda ya karye da kashi 40 zuwa dala $0.1 sakamakon annobar Coronavirus.

Rahoton kamfanin dillancin labaru na AFP yace tun shekarar 1998 rabon da a samu irin wannan karyewa warwas da farashin gangan danyen mai ya yi a wannan lokaci.

KU KARANTA: Hukumar KEDC ta dakatar da yanke wutar lantarki a jahar Kaduna saboda Corona

Wani masanin kasuwancin man fetir, Bjornar Tonhaugen ya bayyana dalilin wannan lamari shi ne kasancewar kasashe da dama suna da tarin man fetir a kasa don haka basa bukatar kari.

Masanin yace a yanzu haka ba’a amfani da man fetir saboda duniyar ta tsaya cak a dalilin annobar Corona, tun da ba’a amfani da mai, babu bukatar saye, saboda haka mai ya yawaita.

Darajar gangar danyen ta sauka zuwa dala 11 a kasuwannin duniya

Darajar gangar danyen ta sauka zuwa dala 11 a kasuwannin duniya
Source: Facebook

Duk kuwa da matakin da kungiyar kasashe masu arzikin man fetir, OPEC, ta dauka na rage gangan mai miliyan 10 daga danyen man da ake fitarwa a duk rana, sai da farashin ya karye.

Idan za’a tuna a kwanakin baya ne gwamnatin shugaban kasa Muhammadu Buhari ta rage farashin litar man fetir sakamakon karyewar farashin danyen mai a kasuwannin duniya.

Gwamnatin ta tsara kasafin kudin shekarar 2020 a kan hasashen farashin gangar danyen mai ba zai yi kasa da $30 ba, saboda shi ne kadai hanyar samun kudin shiga mafi girma a wajenta.

A yanzu da farashin danyen man na Amurka ya karye zuwa $0.1, sai dai a zura idanu a ga yadda gwamnatin kasar Amurka za ta shawo kan matsalolin tattalin arzikin kasar da zasu biyo.

A wani labarin, Tsohon minista a jamhuriya ta biyu, Alhaji Sama’ila Isah Funtua ya shawarci masu danganta shi da mukamin shugaban ma’aikatan fadar shugaban kasa da su kai kasuwa.

Funtua, ya taba zama jami’in mulki a Katsina na tsawon shekaru 7, ministan ruwa, kuma yana cikin mutanen da suka tsara daftarin kundin tsarin mulki a shekarar 1994-1995.

Don haka ya ce baya bukatar wannan mukami saboda a cewarsa shi kan sa yana daukan mutane aiki a Najeriya, don haka ya girmi wani ya dauke shi aiki a wannan lokaci.

Ku biyo mu a https://facebook.com/legitnghausa

ko a http://twitter.com/legitnghausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Source: Legit

Mailfire view pixel