Labarai

An sanar da mutuwar mai cutar covid-19 a Kano

Alhamis, Afirilu 16, 2020 at 6:51 Safiya daga Mudathir Ishaq 2 - tsawon mintuna

- An samu mutuwar mutum na farko da ke dauke da kwayar cutar covid-19 a jihar Kano

- Ma'aikatar lafiya ta jihar Kano ce ta sanar da hakan a cikin wani takaitaccen sako da ta fitar a daren ranar Alhamis

- A cewar ma'aikatar, yanzu haka akwai jimillar mutane 21 da aka tabbatar da cewa su na dauke da kwayar cutar covid-19 a jihar.

Ma'aikatar lafiya a jihar Kano ta sanar da mutuwar mutum na farko da aka tabbatar da cewa ya na dauke da kwayar cutar covid-19.

Ma'aikatar lafiyar ta sanar da hakan ne a cikin wani takaitaccen sako da ta wallafa a shafinta na Tuwita a daren ranar Alhamis.

Duk da ma'aikatar ba ta bayar da karin bayani a kan mai dauke da cutar da ya mutu ba, ta tabbatar da cewa yanzu haka akwai jimillar mutane 21 da su ka kamu da cutar a jihar, sabanin mutum 16 da NCDC ta bayyana.

Da yammacin ranar Laraba ne, cibiyar kula da cututtuka ma su yaduwa a Najeriya (NCDC) ta sanar da cewa an samu karin mutane 34 da suka kamu da cutar Coronavirus (#COVID19) a Najeriya a ranar Laraba, 15 ga Afrilu, 2020.

DUBA WANNAN: Katsina: An fara bi gida - gida neman wadanda suka dawo daga Abuja da Legas

Cibiyar ta bayyana hakan ne a shafin ra'ayi na Tuwita inda tace: “An samu karin mutane talatin da hudu (34) sun kamu da kwayar cutar covid-19 a jihohin Najeriya daban-daban kamar haka; 18 a Legas, 2 a Katsina, 12 a Kano, 1 a Delta, da 1 a Neja.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Kano Lafiya Uwar Jiki