Labarai

Hana fita da taron jama'a: An kama babban Limami, an kwace motoci 269 a Abuja

Lahadi, Afirilu 12, 2020 at 9:33 Yamma daga Mudathir Ishaq 2 - tsawon mintuna

Kwamitin tabbatar da biyayya ga umarnin zama a gida da hana taron jama'a a Abuja ya kama wani shugaban al'ummar Musulmi da ya sabawa matakin da hukuma ta dauka domin dakile yaduwar annobar cutar covid-19.

Shugaban kwamitin, Ikharo Attah, ne ya sanar da hakan ga manema labarai a Abuja ranar Lahadi.

Ya kara da cewa, jami'an kwamitinsa sun kwace motoci 269 bayan samunsu da laifin sabawa umarnin a zauna a gida.

"Mun fara aiki da sanyin safiyar yau (Lahadi) bayan wasu 'yan kasa nagari sun kiramu tare da sanar da mu cewa za a yi taron ibada a wata coci da ke unguwar Durumi.

"Bayan mun isa Cocin sai muka iske cewa hakan ba gaskiya bane, amma mun sami Fasto a cikin Cocin tare da masu daukan hoton bidiyo.

"Daga nan sai muka wuce zuwa wani Masallaci da aka tabbatar mana da cewa babban Limamin Masallacin ya jagoranci jama'a sallar Juma'a a yankin Wuye," a cewar Attah.

Ya gargadi jama'a, musamman wadanda ba aikin tsaro suke ba, a kan karya doka.

Hana fita da taron jama'a: An kama babban Limami, an kwace motoci 269 a Abuja — Yayin umarnin hana fita da taron jama'a
Asali: Facebook

A wani labarin mai nasaba da wannan, Legit.ng ta wallafa cewa 'yan sanda a jihar Nasarawa sun kama manyan jami'an gwamnatin jihar da suka karya dokar da gwamnan jihar, Abdullahi Sule, ya kafa a kan killace kai tare da hana taron jama'a saboda dakile yaduwar annobar cutar covid-19.

DUBA WANNAN: Covid-19: Mutane uku sun kara mutuwa a Najeriya, annobar ta shiga jihohi 20

Manyan jami'an gwamnatin da aka kama sune; Alhaji Suleman Agyo, shugaban karamar hukumar Lafiya ta kudu da Mukhtar Wakeel, mukaddashin rijistara a kwalejin kimiyya da fasaha da ke garin Lafiya.

Faifan bidiyon bikin auren shugaban karamar hukumar ya yadu a dandalin sada zumunta, musamman a tsakanin mazauna garin Lafiya.

Da ya ke tabbatar da kama manyan jami'an gwamnatin a ranar Lahadi, kwamishinan 'yan sandan jihar Nasarawa, Bola Longe, ya ce za a gurfanar da su a gaban kotu bisa tuhumarsu da laifin sabawa umarnin gwamnatin jiha.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Lafiya Uwar Jiki Gwagwalada Abuja