An sallami mutane biyar da suka warke daga cutar coronavirus a Najeriya

Litinin, Maris 30, 2020 at 2:55 Yamma daga Mudathir Ishaq 2 - tsawon mintuna

A ranar Litin ne gwamnatin jihar Legas ta sallam wasu mutane biyar daga cibiyar killacewa da ke asibitin cututtuka masu yaduwa a unguwar Yaba bayan an tabbatar da cewa yanzu basa dauke da kwayar cutar coronavirus.

Ya zuwa yanzu an sallami jimillar mutane 8 kenan daga cibiyar.

Mutanen da aka sallama suna cikin koshin lafiya, babu alamar gajiya ko damuwa a tare da su, kamar yadda jaridar The Nation ta rawaito.

Duk da mutanen da aka sallama sun zabi a sakaya sunayensu, sun bayyana jin dadi da gamsuwarsu a kan irin kulawar da suka samu a cibiyar.

A yayin da suke mika godiya ga gwamnan jihar Legas, Mista Babajide Sanwo-Olu, bisa gudunmawa da kokarinsa na ganin an shawo kan annobbar cutar covid-19, mutanen sun nemi hukuma ta kara kyautatawa ma'aikatan cibiyar.

An sallami mutane biyar da suka warke daga cutar coronavirus a Najeriya
Asali: UGC

Da yake magana da manema labarai, daya daga cikin wadanda aka sallama ya ce, "an kawoni wannan cibiya a ranar 15 ga wata bayan sakamakon gwajin da aka yi min ya nuna cewa ina dauke da kwayar cutar.

DUBA WANNAN: Warwas: Man fetur ya yi faduwar da bai taba irinta ba a cikin shekaru 18

"Da farko na fuskanci kalubale amma daga bisani komai ya daidaita. Ma'aikatan cibiyar sun yi matukar kokari wajen bamu kulawa, ni da abokaina shaida ne a kan hakan."

Ya bawa jama'a kwarin gwuiwar cewar kar su wani firgita saboda kwayar cutar coronavirus saboda ana warkewa, alamar da ke nuna cewa za a samu galaba a kan kwayar cutar.

A ranar Lahadi ne hukumar kasar Saudi Arabia ta sanar da cewa wasu mutane 66 da suka kamu da kwayar cutar coronavirus sun warke.

Sanarwar na kunshe ne a cikin sakon da babbar jaridar kasar Saudiyya da ake wallafa wa cikin harshen turanci; 'Saudi Gazette' ta fitar ranar Lahadi.

Akwai kimanin mutum 96 da aka tabbatar da cewa sun kamu da kwayar cutar coronavirus a kasar Saudiyya tare da asarar rayukan mutane 8.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Legas Lafiya Uwar Jiki