Labarai

Ku zauna a gida: Gwamnatin jihar Legas ta bawa dukkan ma'aikatanta hutu saboda coronavirus

Lahadi, Maris 22, 2020 at 5:10 Yamma daga Mudathir Ishaq 2 - tsawon mintuna

Gwamnatin jihar Legas ta bawa dukkan ma'aikatanta; daga kan mataki na daya zuwa na 12, umarnin su zauna a gida na tsawon kwanaki 14 masu zuwa.

Gwamnan jihar Legas, Babajide Sanwo Olu, ne ya sanar da hakan yayin da yake gabatar da karin jawabi a kan bullar annobar kwayar cutar corona a jiharsa ranar Lahadi.

Ya bayyana cewa ma'aikatan zasu cigaba da zama a gida ne na tsawon kwanaki 14 masu zuwa.

A cikin makon da muka yi bankwana da shine gwamnatin jihar Legas ta bayar da umarni rufe dukkan makarantu da wuraren ibada da ke jihar.

Hakan na zuwa ne a daidai lokacin da adadin masu kamuwa da kwayar cutar corona ke karuwa a jihar.

A yau Lahadi, gwamnatin tarayya ta sanar da cewa na samu karin mutane hudu masu dauke cutar coronavirus (COVID-19), yanzu adadin masu cutar a Najeriya 26.

Ku zauna a gida: Gwamnatin jihar Legas ta bawa dukkan ma'aikatanta hutu saboda coronavirus — Sanwo-Olu
Asali: Twitter

Hukumar takaita yaduwar cututtuka ta kasa (NCDC) ta sanar da hakan da safiya Lahadi a shafin ra'ayi da sada zumuntarta na Tuwita.

Jawabin yace “Misalin karfe 08:05am na ranar 22 ga Maris, an tabbatar da karuwar masu dauke da cutar Coronavirus, wanda yanzu haka yawansu ya kai 26 a Najerita. Daga cikinsu an sallami biyu da suka samu sauki.“

DUBA WANNAN: An kama wasu ma'aurata da laifin aikata jima'i a cikin mota

A ranar Asabar ne Legit.ng ta wallafa rahoton cewa ministan lafiya, Dakta Osagie Ehanire, ya bayyana cewa an samu karin mutane 10 da suka kamu da cutar Coronavirus a Najeriya.

Ministan ya bayyana hakan ne a shafinsa na Tuwita ranar Asabar, 21 ga watan Maris, 2020.

Yayinda aka samu karuwar mutane bakwai a Legas, sauran ukun na birnin tarayya Abuja.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Legas Kiwon Lafiya