Tsananin murnar nada sabon Sarki a Kano: Rarara ya sha alwashin raba motoci, babura, kudade da kujerun Makkah
Saboda shaukin cire Sarkin Kano Muhammadu Sanusi da maye gurbin sa da Aminu Ado Bayero, fitaccen mawakin nan Dauda Kahutu Rarara ya saka gasa, inda zai raba kujerun Makkah, motoci, babura da kudade kyauta ga wadanda suka yi nasara
Rarara ya bayyana hakane a wani sakon bidiyo da ya fitar a shafin sa na YouTube. Ya ce ya saka gasar ne don nuna farin ciki game da nada Aminu Ado Bayero a matsayin Sarkin Kano da gwamnatin jihar ta yi.
Ya ce a ka'idojin shiga gasar ana so duk wani mawakin Hausa da yake Najeriya ko wajen ta da yayi sabuwar waka ga sababbin Sarakunan Kano guda biyar, wato na Kano, Bichi, Karaye, Gaya da kuma Rano.
A ka'idojin ana so kada wakar ta wuce minti biyar, sannan ya kasance a cikin minti biyar din nan mawakin zai yi wa kowanne Sarki wakar sa, cikin salo da zai burge kowacce fada, da kuma su kan su Sarakunan.
Wata ka'idar kuma ita ce tilas ne duk mawakin da zai shiga gasar ya kasance ya na da rijista da hukumar tace fina-finai ta jihar Kano.
KU KARANTA: Bayan bacewar mijinta da dadewa, ta ganshi tare da karuwarshi dauke da tsohon ciki
Bugu da kari kuma mutane 50 kacal za a zaba a matsayin zakarun gasar.
A cewar sa, a ranar da za a fidda zakarun kowanne mawaki zai zo da wakar sa a rubuce kuma ya rera ta a gaban manyan bakin da za su halarci taron, cikin su har da Gwamnan jihar Kano, Dakta Abdullahi Umar Ganduje.
Rarara ya bayyana cewa ya tanadi farfesoshin nazarin harshen Hausa da za su zama alkalan gasar.
Ga dai jerin sunayen kyaututtukan da zai bawa wadanda suka yi nasara a gasar:
Na Daya: Mota
Na Biyu: Mota
Na Uku: Kujerar Hajji
Na Hudu: Kujerar Hajji
Na Biyar: Kujerar Umara
Na Shida: Kujerar Umara
Na Bakwai: Keke Napep
Na Takwas: Keke Napep
Na Tara: Babur
Na Goma: Babur
Sauran mawaka 40 da suka rage kuma kowannesu za a ba shi kyautar Naira dubu dari (N100,000).
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Domin sauke manhajar labaran Legit.ng a wayar ku ta hannu, latsa wannan rubutu na kasa:
https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
